Қорақалпоғистон Республикаси Ветеринария ва чорвачиликни ривожлантириш қўмитасида соҳа ходимларига Ўзбекистон Республикаси ветеринария фидойиси, чорвачилик фидойиси кўкрак нишонларини топшириш тадбири бўлиб ўтди.

Тадбирда қўмита раиси М.Кайпанов, қўмита раисининг биринчи ўринбосари К.Пирназаров, ветеринария соҳаси мутахассислари ва меҳмонлар иштирок этди.

Тадбирда М.Кайпанов ветеринария ва чорвачилик ходимларининг самарали фаолияти ва уларнинг малакасини ошириш учун ҳукуматимиз томонидан ҳар томонлама ёрдам кўрсатилишини билдирди.

Ветеринария фидойиси ва чорвачилик фидойиси кўкрак нишонини олган ходимлар, ўз навбатида, бу мукофотни ўзлари учун катта шараф деб билишини ва ўз ишларини янада самарали олиб боришга интилишини таъкидлади. Улар, шунингдек, соҳа ривожи учун зарур барча чора-тадбирларни кўришни давом эттиришга ва янги мақсадларга эришишга тайёр эканликларини билдирдилар.

«Ўзбекистон Республикаси ветеринария фидойиси» кўкрак нишони билан тақдирланган ходимлар.

📌Реймов Сағынбай Даулетбаевич – Чимбой тумани ветеринария ва чорвачиликни ривожлантириш бўлими бошлиғи.
📌Халназаров Аразмуҳаммед Ханмурадович – Тўрткўл тумани ветеринария ва чорвачиликни ривожлантириш бўлими «Калтаминор» ветеринария участкаси бошлиғи.

«Ўзбекистон Республикаси чорва фидойиси» кўкрак нишони билан тақдирланган ходимлар.

📌Жапбарбергенов Базарбай Юсупбаевич – Қўнғирот тумани ветеринария ва чорвачиликни ривожлантириш бўлими чорвачилик шубаси мудири.
📌Бабатаев Садулла Алимович – «Ўзчармсаноат» уюшмасининг Қорақалпоғистон Республикаси ҳудудий бошқармаси бошлиғи.
📌Кенжетаев Жеткербай Узакбаевич – Қўнғирот тумани «Қарабас батыр» фермер хўжалиги бош чўпони.