Қорақалпоғистоннинг Амўдарё туманида куйдирги касаллигига қарши тадбир бўлиб ўтди

Туман ветеринария ва чорвачиликни ривожлантириш бўлими ва ҳамкор ташкилотлар  билан биргаликда  ҳайвонлар касалликларининг олдини олишга қаратилган эпизоотик тадбирлар уюшқоқлик билан ташкил этилмоқда.

Кеча Амударё туманида куйдирги касаллигининг тарқалишига қарши амалий-семинар бўлиб ўтди. Унда туман ветеринария хизмати, Фавқулодда вазиятлар бошқармаси, санитария-эпидемиологик осойишталик маркази ҳамда туман тиббиёт бирлашмалари ходимлари иштирок этишди.

Тадбирда ҳайвонлар касалликлари, хусусан куйдирги касаллигига қарши курашиш бўйича амалга оширилаётган ишлар, унинг олдини олишга қаратилган профилактик чора-тадбирлар атрофлича муҳокама қилинди.

Шунингдек, ҳамкор ташкилотлар мутахассислари томонидан касалликка қарши кураш бўйича амалий машғулотлар олиб борилди.