Qaraqalpaqstan Respublikasınıń Ámiwdárya rayonında Otjara keselligine qarsı gúresiw boyınsha ilaj ótkerildi.

Rayonnıń veterinariya hám sharwashılıqtı rawajlandırıw bólimi hám birge islesiwshi shólkemler tárepinen haywanlar kesellikleriniń aldın alıwǵa qaratılǵan bir qatar epizootik ilajlar ótkerilip kelinbekte.

 Keshe Ámiwdárya rayonında Otjara keselliginiń tarqalıwına qarsı ámeliy-seminar bolıp ótti. Onda rayonlıq veterinariya xızmeti, Ayrıqsha jaǵdaylar basqarması, sanitariya –epidemiologiyalıq tınıshlıq hám jámiyet salamatlıǵı orayı hám de rayon medicinalıq birlespeleri xızmetkerleri qatnastı.

 Ilajda haywanlar kesellikleri, atap aytqanda kuydirgi keselligine qarsı gúresiw boyınsha ámelge asırılıp atırǵan jumıslar, onıń aldın alıwǵa qaratılǵan profilaktikalıq ilajlar hár tárepleme talqılandı.

 Sonday-aq, birge islesiwshi shólkemlerdiń qánigeleri tárepinen kesellikke qarsı gúresiw boyınsha ámeliy shınıǵıwlar alıp barıldı.