Bos jumıs orınları

Jumısqa qabıl etiw tártibi hám jaratılǵan  sharayatlar

Húrmetli puqara!

Veterinariya hám sharwashılıqtı rawajlandırıw komiteti sistemasına jumısqa qabıl etiw Ózbekstan Respublikasınıń “Mámleketlik puqaralıq xızmeti haqqında”ǵı Nızamı hám Miynet kodeksi, Ózbekstan Respublikası Prezidentiniń “Ózbekstan Respublikasında kadrlar siyasatı hám mámleketlik puqaralıq xızmeti sistemasın túp-tiykarınan jetilistiriw ilajları haqqında”ǵı 2019-jıl 3-oktyabrdegi PP-5843-sanlı Pármanı talaplarına muwapıq ámelge asırıladı.

Veterinariya hám sharwashılıqtı rawajlandırıw komiteti sistemasındaǵı bos jumıs orınları (vakant lawazımlar) haqqındaǵı  maǵlıwmatlar:

– “Birden-bir milliy miynet sisteması” uyımlararalıq programmalıq-apparat kompleksinen paydalanǵan halda “Mámleketlik puqaralıq xızmetkerleri vakant lawazımlarınıń birden-bir ashıq portalı” (vacancy.argos.uz) programmalıq-apparat kompleksine;

– Veterinariya hám sharwashılıqtı rawajlandırıw komitetiniń rásmiy veb-saytına hám sociallıq tarmaqlardaǵı  daǵaza betlerine jaylastırıladı.

Jası, milleti, jınısı, sociallıq kelip shıǵıwı, múlklik hám lawazımlıq statusına qaramastan, ózleriniń kásiplik, isbilermenlik, jeke hám ádep-ikramlılıq pazıyletleri jáne bilim dárejesine ie, sonday-aq, mámleketlik puqaralıq xızmeti lawazımın ielew huqıqı nızamshılıq penen sheklenbegen hám tiyisli lawazımdı ielew ushın qánigelik talaplarına juwap beretuǵın Ózbekstan Respublikası puqaraları Veterinariya hám sharwashılıqtı rawajlandırıw komiteti sistemasına ashıq erkin tańlaw arqalı jumısqa qabıl etiledi.