Qaraqalpaqstanda “In-vitro” usılındaǵı birinshi embrion transplantaciyası nátiyje berdi

Xojeli rayonında iske túsirilgen embrion islep shıǵarıw laboratoriyasında násilli qara mallardıń embrionların tayarlaw hámde sıyırlarǵa kɵshirip ótkeriw jumısları alıp barılmaqta.
Islengen jumıslar nátiyjesinde 2026-jıl 4-may kúni Nókis rayonındaǵı «Qońıratbay Mexri» násilshilik fermer xojalıǵında Qaraqalpaqstan sharayatında embrion transplantaciyasınan Golshtin porodalı birinshi buzaw alındı.

Maǵlıwmat ushın: Belarussiyadan alıp kelingen golshtin porodalı buǵanıń urıǵın golshtin porodalı sıyırǵa salıp, embrion juwıp alındı hám de tayarlanǵan embrion jergilikli sıyırǵa 2025-jıl 5-avgust kúni kɵshirip ɵtkerildi hám embrionnan birinshi urǵashı buzaw alındı.
Tuwılǵan buzawdıń tiri salmaǵı 32 kg házirgi kúnde jaǵdayı jaqsı.