Xojelide sharwashılıq ónimlerin islep shıǵarıw imkaniyatları úyrenildi

Ózbekstan Respublikası Veterinariya hám sharwashılıqtı rawajlandırıw mámleketlik komiteti baslıǵı Bahrom Norqobilov basshılıǵındaǵı jumısshı toparı Qaraqalpaqstan respublikasında mámleketimiz basshısınıń 2022- jıl 8-fevralda tastıyıqlanǵan “Sharwashıqtı ele de rawajlandırıw hám sharwa azıq bazasın bekkemlew ilajları haqqında”ǵı qararınıń orınlanıwın támiyinlew boyınsha ámelge asırılıp atırǵan joybarlar natiyjeliligin úyreniw maqsetinde Qaraqalpaqstanǵa keldi.

 Jumısshı topar tárepinen Xojeli rayonındaǵı sharwashılıqqa qánigelesken xojalıqlarda alıp barılıp atırǵan gúz-qıs máwsimine tayarlıq jumısları, xalıq xojalıqlarına kórsetilip atırǵan veterinariyalıq servis xızmetiniń nátiyjeliligi, kooperaciya usılında sharwa malların jetkizip beriw hám jetilistirilgen sharwa ónimlerin qayta islew processleri, sonıń menen birge sharwashılıq subyektlerinde qıs máwsimi ushın azıqlıq rezerv jiynawda qánigeler qatnasıwı tolıq analiz etildi.

 Atap aytqanda, jumısshı topar  tárepinen rayondaǵı “G’afur Ǵulom sharwa” juwapkershiligi sheklengen jámiyetinde jıynalǵan azıqlıq eginlerdiń ónimdarlıǵın, násilli qaramallardı baǵıwda qánigeler usınısı hám rayonda sharwashılıq tarawında kooperaciya tiykarında jańa jumıs orınların jaratıw, sonıń menen birge bul jóneliste xalıq xojalıqlarındaǵı qaramallardıń parodasın jaqsılaw múmkinshilikleri monitoriń etildi.

Kanalǵa aǵza bolıń :?https://t.me/VhSHRB

Qaraqalpaqstan Respublikası  veterinariya hám sharwashılıqtı rawajlandırıw  komiteti Málimleme xızmeti