Nókis qalasına tutınıw ushın jaramsız gósh kirip keliwiniǹ aldı alındı

Qaraqalpaqstan Respublikası IIM JXX JTSB Karantin ilajların támiyinlew toparı hám vеterinariya xızmetkerleri menen birgelikte  usı jıldıń 17 -iyun  kúni saat 12:20 da  Kegeyli rayonına qaraslı “Xalqabad gúzarı”nda Qaraqalpaqstan Respublikası IIM JXX JTSB Karantin ilajların támiyinlew toparı komandiri hám de Kegeyli rayonı jınayat qıdırıw xızmetkerleri hám rayonlıq veterinariya hám sharwashılıqtı rawajlandırıw bólimi  qánigeleri  menen birgelikte  ótkerilgen ilaj dawamında “Xalqabad gúzarı”nda  háreketlenip kiyatırǵan Nókis qalası Koskól-4 aymaǵınıǹ  “Nurlı Mákán”  MPJ  №10– jayda jasawshı 08. 02. 1990-jılı  tuwılǵan puqara  Jaksimov Kuralbay Zaripbaevichge tiyisli bolǵan mámleketlik  nomeri  95 X351 LA “LASETTI”  markalı avtotransportınıǹ  júkxanası  hám salonında heshqanday  veterinariya-sanitariya hújjetlerisiz,  sanitariya -gigiena talaplarına  juwap bermeytuǵın  anıq bolmaǵan  belgisiz  haywanǵa tiyisli  jámi  95 kg gósh ónimleri alıp ketilip baratırǵanlıǵı anıqlandı.

 Onı  rayonlıq veterinariya hám sharwashılıqtı rawajlandırıw bólimi, azıq-awqat  ónimleri qáwipsizligi mikrobiologiya hám veterinariya-sanitariya ekspertiza laboratoriyasınıń  qánigeleri tárepinen tekserilip,  tutınıw ushın jaramsız dep tabılıp, otta kúydirilip jaǵıw jolı menen joq etildi.

 Házirgi kúnde usı jaǵday boyınsha  QR IIM JXX JTSB Karantin bólimi, Kegeyli rayonlıq JQB hám de rayon veterinariya hám sharwashılıqtı rawajlandırıw bólimi  xızmetkerleri tárepinen  sorastırıw jumısları alıp barılmaqta.