Organikalıq ónimler islep shıǵarıw Nızam menen tártipke salındı

 “Organikalıq ónimler haqqında”ǵı  Nızam (ÓRQ-766 -san, 25. 04. 2022-j.) Prezident tárepinen qol qoyıldı.

 Usı nızam organikalıq ónimlerdi islep shıǵarıw, qayta islew, saqlaw, transportta tasıw, mórlew  hám realizaciya qılıw, sonıń menen birge muwapıqlıqtı bahalaw hám avtorizaciyalastırılwın  tártipke saladı.

 Organikalıq ónimler óndiriske ótkerilgen awıl xojalıǵı eginlerin jetistiriwdiń ayrıqsha qásiyetlerin esapqa alǵan halda sertifikatlastırılǵan organikalıq ónimlerdi islep shıǵarıw ushın subsidiyalar ajratıladı.

 Organikalıq ónimlerdi óndiriste

• awırmaǵan deni saw haywanlar hám ósimliklerden;
• zıyansız  ónimlerden;
• tiykarınan  haywanlar hám ósimliklerge  tiyisli bolǵan shiykizattan paydalanıladı.

 Organikalıq ónimlerdi mórlewde :

• “organic” (organikalıq );
• “biologic” (biologiyalıq );
• “ecologic” (ekologiyalıq );
• “natural” (tábiyıy) degen sózlerden paydalanılıwı múmkin.

 Ózbekstanǵa organikalıq ónimlerdi alıp kiriwde shet mámlekettiń muwapıqlıqtı bahalaw organı tárepinen berilgen organikalıq tárepten muwapıqlıq sertifikatınıń hám bul mámlekette qabıl etilgen úlgidegi organikalıq ónimlerdiń kelip shıǵıwın tastıyıqlaytuǵın sertifikattıń kóshirme nusqaları usınıs etiliwi kerek.

Ózbekstanǵa alıp kiritiletuǵın organikalıq ónimlerge salıstırǵanda nızamshılıqta belgilengen sanitariya, fitosanitariya, veterinariya hám de veterinariya-sanitariya  qaǵıydaları  hám normaları  qollanıladı.

 Organikalıq ónimlerdi Ózbekstan aymaǵınan alıp shıǵıw ministrler Mákemesi tárepinen tastıyıqlanǵan formadaǵı organikalıq tárepten muwapıqlıq sertifikatı usınıs etilgende ámelge asırıladı.

Organikalıq ónimlerdi  óndiriwshiler reestri  júritiledi hám Awıl xojalıǵı ministrligi rásmiy veb-saytına jaylastırıladı.

 Nızam rásmiy járiyalanǵa kúnnen baslap 3 ay múddet aralıǵında  kúshke kiredi.

 Derek: O’RQ-766 -san Nızam, 25. 04. 2022-j.