Rasmiy munosabat

⚡️Bugun ijtimoiy tarmoqlar orqali, Kateks bozor hududida o‘lgan echkilarning jasadlari topilgani haqida videolar tarqaldi.

Ushbu holat yuzasidan Qoraqalpog‘iston Respublikasi Veterinariya va chorvachilikni rivojlantirish qo‘mitasi mutaxassislari tomonidan tezkor ravishda o‘rganish ishlari olib borilib, hudud har tomonlama ko‘zdan kechirilib, nazorat tadbirlari amalga oshirildi.

O‘rganish natijalariga ko‘ra, videolarda keltirilgan holat tasdiqlanmadi. Bozor hududida yoki uning atrofida hech qanday o‘lgan hayvonlarning jasadlari aniqlanmadi.

Shu munosabat bilan ijtimoiy tarmoqlarda tasdiqlanmagan, haqiqatga to‘g‘ri kelmaydigan ma’lumotlarni tarqatish amaldagi qonunchilikka muvofiq javobgarlikka sabab bo‘lishi mumkin. Asossiz va yolg‘on axborot tarqatish aholi orasida xavotir va tushunmovchiliklarga sabab bo‘lishi mumkinligini eslatib o‘tamiz.