«Dolzarb 90 kunlik» tadbirlari doirasida hududlarda hayvonlarning yuqumli kasalliklariga qarshi profilaktik emlash jarayonlari davom etmoqda.

Qoraqalpog‘istonda epizootik barqarorlikni ta’minlash maqsadida «Oqsil», «Kuydirgi», «Teylerioz», «Nodulyar dermatit»,  «Quturish»g‘a qarshi emlash ishlari olib borilmoqda.

 Xususan, Mo‘ynoq, To‘rtko‘l, Beruniy, Chimboy, Qonliko‘l va Xo‘jayli tumanlarida tuman veterinariya va chorvachilikni rivojlantirish bo‘limi mutaxassis xodimlari aholi xonadonlaridagi chorva mollarini «Oqsil», «Kuydirgi», «teylerioz», «Nodulyar dermatit»,   uy hayvonlari «quturish»  kasalligiga qarshi profilaktik emlash tadbirlari olib borilmoqda.

 Shuningdek,  hayvon egalariga ushbu kasallikning kelib chiqish sabablari, uning oldini olish va kasallik paydo bo‘lganda veterinariya xizmati xodimlari tomonidan ko‘riladigan zarur choralar borasida tushuncha va tavsiyalar berilmoqda.

Qoraqalpog‘iston Respublikasi Veterinariya va chorvachilikni rivojlantirish qӯmitasi Matbuot xizmati.