Veterinariya hám sharwashılıq tarawına Yaponiyanıń grand qarjıları ajratıladı

Bul haqqında Ózbekstan Respublikası Veterinariya hám sharwashılıqtı rawajlandırıw mámleketlik  komiteti baslıǵı Bahrom Norqobilov hám Yaponiya xalıqaralıq sheriklik agentligi – JICA Bas ofisi Oraylıq Aziya hám Kavkaz departamenti basshısı Tosaka Sota ortasında bolıp ótken sáwbette xabar berildi.

Ushırasıwda hár eki táreptiń sherikliktegi eń baslı  baǵdarları, elimizde  veterinariya hám sharwashılıq tarawlarında yapon texnologiyalarınan paydalanıw  boyınsha perspektivalı joybarlardı ámelge asırıw máseleleri dodalandı.

Atap aytqanda,  agentlik wákili Tosaka Sota qarıydar ushın sapalı hám jetkilikli muǵdarda sharwashılıq ónimleri menen támiyinlewde yapon joybarlarınıń ayrıqshalıǵı,  gósh hám sútti qayta islewdegi jańa texnologiyalar haqqında maǵlıwmat berip ótti.

Sonıń  menen birge, veterinariya  hám sharwashılıq tarawlarında jańa jumıs orınların  jaratıw ushın JICAnıń grand qarjıların ajratıwǵa óz ara kelisildi .

Kelisimge  kóre, taraw qánigeleriniń mamanlıǵın asırıw, yapon ekspertleriniń itibarın  elimizge qaratıw, komitet sistemasındaǵı ilimiy-izertlew, joqarı bilimlendiriw tarawları hám   diagnostika orayları, násilshilik kárxanalarındaǵı ámeldegi laboratoriyalardıń materiallıq-texnikalıq bazasın jaqsılawda JICAnıń  “Qalıs járdem ” joybarın ámelge asırıwǵa kelisip alındı.

Qaraqalpaqstan Respublikası  veterinariya hám sharwashılıqtı rawajlandırıw  komiteti Málimleme xızmeti