Qaraqalpaqstan Respublikası Diagnostika orayı VSE laboratoriyasınıń xızmetkerleri tárepinen Nókis rayonında oqıw seminarı shólkemlestirildi.

⚡️Usı jıldıń 10-oktyabr kúni Qaraqalpaqstan Respublikası Diagnostika orayı VSE laboratoriyasınıń xızmetkerleri tárepinen Nókis rayonında oqıw seminarı shólkemlestirildi. Ilajda Nókis qalası, Taqıyatas hám Xojeli rayonları veterinariya-sanitariyalıq ekspertiza laboratoriyalarınıń qánigeleri qatnastı.

Seminar dawamında veterinariya-sanitariya laboratoriyalarında ámelge asırılatuǵın diagnozlaw jumısları, zamanagóy laboratoriyalıq analiz usılları, úlgi alıw hám saqlaw qaǵıydaları, sonday-aq, biologiyalıq qáwipsizlik standartlarına ámel etiw máseleleri dodalandı.

Ilaj qatnasıwshıları ushın ámeliy shınıǵıwlar ótkerilip, tájiriybe almasıw hám jańa usıllardı ózlestiriw imkaniyatı jaratıldı.

Seminar juwmaǵında qatnasıwshılar laboratoriya jumısın bunnan bılay da jetilistiriw, analizdiń sapasın arttırıw hám kásiplik tájiriybeni bekkemlew boyınsha óz-ara pikir alıstı.