“7-1-7” modeli tiykarında epizootologiyalıq baqlaw, pandemiyalarǵa tayarlıq kóriw boyınsha áhmiyetli seminar shólkemlestirildi.

2025-jıl 23-iyun kúni Birlesken Milletler Shólkeminiń Azıq-awqat hám awıl xojalıǵı shólkemi (FAO) baslaması menen “Oraylıq Aziyada birden-bir sociallıq salamatlıq baǵdarlaması” sheńberinde áhmiyetli seminar bolıp ótti. Bul oqıw seminarına rayonlıq hám qalalıq veterinariya hám sharwashılıqtı rawajlandırıw bólimleriniń haywanlar salamatlıǵın qorǵaw boyınsha qánigeleri qatnasdı.

Seminarda qánigeler pandemiyaǵa tayarlıq hám juwap ilajları, haywanlardan juqatuǵın (zoonoz) keselliklerdiń erte anıqlanıwı, óz waqtında xabarlandırılıwı hám operativ ilajlar kóriliwin támiyinlew boyınsha bilim hám kónlikpelerin bekkemledi. Bul ilajda ásirese “7-1-7” modeli tiykarında epizootologiyalıq baqlaw alıp barıw mexanizmleri tereń tallandı.

“7-1-7” modeli – kesellik anıqlanǵanınan soń 7 kún ishinde anıqlaw, 1 kún ishinde xabar beriw hám 7 kún ishinde operativ juwap ilajların kóriwdi názerde tutadı. Bul qatnas epidemiyalardıń aldın alıwda, bioqáwipsizlikti támiyinlewde hám haywanlardıń salamatlıǵın qorǵawda nátiyjeli qural bolıp xızmet etedi.

Seminar dawamında ámeliy sabaqlar, tájiriybe almasıw hám real jaǵdaylar tiykarında dodalawlar shólkemlestirildi. Qatnasıwshılar haywanlardıń salamatlıǵı boyınsha turaqlı monitoring sistemasın rawajlandırıw, tarawda birge islesiw hám xalıqaralıq tájiriybelerdi integraciyalaw zárúrligine itibar qarattı.

FAO tárepinen kórsetilip atırǵan bunday baslamalar regionallıq salamatlıqtı bekkemlew, qáwip-qáterlerdiń aldın alıw hám epizootik turaqlılıqtı támiyinlew jolında áhmiyetli qádem bolıp esaplanadı.