Búgingi kúnde sharwashılıq tarmaǵın jedel rawajlandırıw arqalı xalqımızdı arzan sapalı gósh sút hám basqada azıq-awqatlıq ónimleri menen támiyinlew, ásirese awıllıq jerlerde jasap atırǵan puqaralardıń bántligin arttırıw hám daramatarın kóbeytiw imkaniyatları jaratılmaqta.

Atap aytqanda, Xúrmetli Prezidentimiz Sh.Mirzieyovtiń  2025-jıl 30-yanvardaǵı «Jaylawlardı qorǵaw hám olardan aqılǵa uǵras paydalanıwdıń zamanagóy mexanizmlerin engiziw ilajları haqqında»ǵı PF-15-sanlı pármanı hám 2025-jıl 30-yanvardaǵı «Sharwashılıq hám qusshılıqtı qollap-quwatlaw, tarawda joqarı qosımsha qun jaratıw boyınsha qosımsha ilajlar haqqında»ǵı PF-34-sanlı qararı qabıllandı.

Usı jıldıń 15-may kúni PF-15-sanlı párman hám PF-34-sanlı qararda  belgilengen wazıypalardıń orınlanıwı boyınsha seminar bolıp ótti.

Ilajda, Ózbekstan Respublikası Veterinariya hám sharwashılıqtı rawajlandırıw komiteti baslıǵınıń sharwashılıq hám jaylaw xojalıǵın rawajlandırıw máseleleri boyınsha orınbasarı F.Boboev, Qaraqalpaqstan Respublikası Veterinariya hám sharwashılıqtı rawajlandırıw komiteti baslıǵınıń birinshi orınbasarı K.Pirnazarov, Qaraqalpaqstan Respublikası Awıl xojalıǵı Ministri birinshi orınbasarı A.Koziev,  Sawda-sanaat palatası Qaraqalpaqstan Respublikası basqarması baslıǵınıń orınbasarı A.Seytaxov, kommerciyalıq bank basshıları,  veterinariya hám sharwashılıqtı rawajlandırıw bólimi baslıqları, sharwa fermerler qatnastı.

Ilajda ǴXQ wákilleri hám  qatnasıwshılar ózlerin qızıqtırǵan sorawlarına juwaplar aldı.