Sharwa malıńızdıń buwazlıǵın bilgińiz kelse

Qanlıkól rayonı Veterenariya hám sharwashılıqtı rawajlandırıw bólimi tárepinen xalıqqa sapalı vererenariyalıq xızmet kórsetiw baǵdarında nátiyjeli jumıslar ámelge asırılmaqta.
Qanshayım Saburbava sharawashılıq baǵdarında jeoqarı maǵılıwmatqa iye bolǵannan soń hákim járdemshisi usınısı menen oǵan jeńilletilgen kredit qarjısı esabına “Ultra Sound E-20” sharwa malları keselligin hám buwazlıǵın anıqlawshı Uzi apparatı alıp berilgen.

Rayondaǵı “Nawrızlı Istam” shawa fermer xojalıǵında usı úskeneniń abzallıqları kórsetildi.
Bul úskene arqalı endi puqaralar sharwa mallarınıń buwazlıǵı hám keselligi boyınsha anıq diagnoz alıw múkinshiligine iye boladı.
Ilajda Veterenariya hám sharwashılıqtı rawajlandırıw bólimi baslıǵı E.Turdımov hám veterenar qánigeler qatnastı.

Qanlıkól rayonında búgingi kúnde jámi 28 sharwa fermer xojalıǵı sonnan, 19-qaramal, 5 qoy-eshki, 2-jılqıshılıq fermer xojalıǵı hám 2 qusshılıq JShJ-ti háreket etpekte.
Házirgi kúnde rayonda jámi 36513-bas iri shaqlı qaramal, sonnan 10500-bas sıyır, 33222-bas mayda shaqlı mallar, 96405-bas tawıqlar kútimli baǵılmaqta. Shet ellerden násilli mallardı alıp keliw boyınsha rayonda «Qanlıkól» APJ aymaǵında «Shaxnoza Qanlıkól» sharwa fermer xojalıǵı Vengriya mámleketinen «Golshtinskaya poroda» 2-bas, «Gerefordskaya poroda» 31-bas náslli qaramal hám «Angusskoy porodı» 31-bas náslli qaramal jámi 64-bas náslli qaramal alıp kelindi.
Búgingi kúnge naslli qaramal 130-basqa jetkerildi.