Shańaraqlıq balalar úyi tárbiyalanıwshılarına bayram sawǵaları tapsırıldı

Balalar, perzent hár bir shańaraqtıń quwanıshı, ómir dawamshıları. Ázelden xalqımız balajan xalıq. Bar mehrin, tapqanın perzentine úleskisi keledi. Hár jılı dúnya júzinde sol qatarı biziń elimizdede           1-iyun- Xalıqaralıq balalar kúni keń túrde belgilenedi.

Búgin Qaraqalpaqstan Respublikası Veterinariya hám sharwashılıqtı rawajlandırıw komiteti baslıǵı M.Kaypanov bayram múnásibeti menen Nókis qalası «Qız ketken» elatındaǵı shańaraqlıq balalar úyi tárbiyalanıwshıların bayram menen qutlıqlap, sawǵalar tapsırdı.

Sonın menen birge, Komitet baslıǵınıń birinshi orınbasarı K.Pirnazarov, Taqıyatas rayonı hákimi D.Kurbanov hám Qaraqalpaqstan Respublikası Suw xojalıǵı ministri orınbasarı T.Madreymovlar rayondaǵı 1,2-sanlı shańaraqlıq balalar úyi tárbiyalanıwshıların bayram menen qutlıqlap, sawǵalar tapsırdı.

Álbette  bala quwansa, álem shadlıqqa bólenedi. Mine usınday quwanısh ómir boyı dawamlı bolsın dep olarǵa baxıtlı balalıq tileymiz.

Qaraqalpaqstan Respublikası veterinariya hám sharwashılıqtı rawajlandırıw komiteti baspasóz xızmeti