Қарақалпақстанда эпизоотик турақлылықты тәмийинлеў мақсетинде ҳайўанларды «қутырыў», «аусыл», «отжара» кеселликлерине қарсы шаншыў жумыслары жедел алып барылмақта.

Ветеринария хызмети  тәрепинен аймақларда ҳайўанлардың жуқпалы кеселликлерине қарсы профилактикалық емлеў иләжлары даўам етпекте.

Атап айтқанда, Нөкис қаласы, Мойнақ, Шоманай, Кегейли, Беруний ҳәм Нөкис районларында  ветеринария ҳәм шарўашылықты раўажландырыў бөлими қәнигелери тәрепинен аймақларда бағылып атырған шарўа маллары жуқпалы “отжара”, “аусыл” кеселликлерине, үй ҳайўанлары “қутырыў” кеселлигине қарсы  шаншыў жумыслары жедел алып барылмақта.

Сондай-ақ,  қәнигелер тәрепинен пуқараларға  жуқпалы  кеселликлер ҳаққында  мағлыўматлар берилип,  түсиндириў ҳәм үгит-нәсиятлаў жумыслары да алып барылмақта.

Қарақалпақстан Республикасы Ветеринария ҳәм шарўашылықты раўажландырыў комитети  мәлимлеме хызмети.