Қарақалпақстанда эпизоотик турақлылықты тәмийинлеў бойынша ис-иләжлар алып барылмақта.

Районларда ветеринария хызмети  тәрепинен аймақларда ҳайўанлардың жуқпалы кеселликлерине қарсы профилактикалық емлеў иләжлары даўам етпекте. Атап айтқанда,  Бозатаў, Қоңырат, Шоманай, Төрткүл, Елликқала районларында районлық  ветеринария ҳәм шарўашылықты раўажландырыў бөлими қәнигелери тәрепинен аймақларда бағылып атырған шарўа маллары ҳәм үй ҳайўанлары жуқпалы “отжара”,  “ қутырыў ” ҳәм  “аусыл”  кеселликлерине қарсы шаншыў жумыслары жедел алып барылмақта. Сондай-ақ,  қәнигелер тәрепинен пуқараларға  жуқпалы  кеселликлер ҳаққында  мағлыўматлар берилип,  түсиндириў ҳәм үгит-нәсиятлаў жумыслары да алып барылмақта.

Қарақалпақстан Республикасы Ветеринария ҳәм шарўашылықты раўажландырыў комитети  мәлимлеме хызмети.