Ózbekstan hám Saudiya Arabstan Patshalıǵı ortasında veterinariya hám sharwashılıqtı rawajlandırıw boyınsha qospa programma islep shıǵılıp atır

Ózbekstan hám Saudiya Arabstan Patshalıǵı ortasında veterinariya hám sharwashılıqtı rawajlandırıw baǵdarlarında sheriklikke tiyisli 2022-2024- jıllarǵa mólsherlengen ilajlar qospa baǵdarlaması islep shıǵılmaqta. Bul haqqında Ózbekstan Respublikası Veterinariya hám sharwashılıqtı rawajlandırıw mámleketlik komiteti baspasóz xızmeti xabarladı.

Xabar beriliwine qaraǵanda, Prezidenttiń “Ózbekstan Respublikasında sharwashılıq tarawı jáne onıń tarmaqların rawajlandırıw boyınsha  2022-2026- jıllarǵa mólsherlengen Bag’darlamanı tastıyıqlaw haqqında”ǵı  2022- jıl 8 -fevraldaǵı PQ-120 -sanli qararında belgilengen wazıypalar atqarılıwın támiyinlew maqsetinde Veterinariya hám sharwashılıqtı rawajlandırıw mámleketlik komiteti tárepinen shet eldiń jetekshi mámleketleri menen óz ara paydalı hám uzaq múddetli birge islesiwdi rawajlandırıw kózde tutılǵan.

Atap aytqanda, Ózbekstan Respublikası Prezidentiniń 2022 jıl 17-18- avgust kúnleri Saudiya Arabstan Patshalıǵına ámelge asırǵan mámleketlik saparı dawamında “Ózbekstan Respublikası Veterinariya hám sharwashılıqtı rawajlandırıw mámleketlik komiteti menen Saudiya Arabstan Patshalıǵı Qorshaǵan -ortalıq, suw hám awıl xojalıq ministrligi ortasında veterinariya hám sharwashılıqtı rawajlandırıw tarawlarında birge islesiw haqqındaǵı ańǵarıw memorandumı”na qol qoyıldı.

Ańǵarıw memorandumında belgilengen sheriklik baǵdarların nátiyjeli ámelde qollanıw maqsetinde “Veterinariya hám sharwashılıqtı rawajlandırıw baǵdarlarında birge islesiwge tiyisli 2022-2024- jıllarǵa mólsherlengen ilajlar qospa baǵdarlaması (“Jol karta”)sı islep shıǵıldı.

“Jol karta” anıq hám mánzilli investiciyalıq joybarlar menen toltırıw maqsetinde Qaraqalpaqstan Respublikası hám wálayat hákimlikleri menen birgelikte ulıwma bahasıası 64 mln. AQSh dolları bolǵan 14 joybardı óz ishine alǵan “2023-2024 -jıllarda Saudiya Arabstan Patshalıǵınıń mápdar isbilermenleri qatnasıwında qaramalshılıq, túyeshilik, qusshılıq hám balıqshılıq tarawlarında ámelge asırılıwı rejelestirilgen joybarlar dizimi” qáliplestirildi.