Búgin Qaraqalpaqstan Respublikası Ministrler Keńesiniń májilisler zalında sharwa-fermer xojalıqları basshıları menen ushrasıw bolıp ótti.

Oǵan Ózbekstan Respublikası mámleketlik veterinariya hám sharwashılıqtı rawajlandırıw komiteti baslıǵı B.Norqabilov, Ministrler Keńesi Baslıǵı Q.Sariev, “Óz Sharwanásil” agentligi baslıǵı B.Atamuratov, Qaraqalpaqstan Respublikası “Sharwashılıq associaciyası” baslıǵı Q.Panaev  hám Qaraqalpaqstan Respublikası veterinariya hám sharwashılıqtı rawajlandırıw komiteti baslıǵı M.Qaypanovlar menen birgelikte respublika kólemindegi sharwa-fermer xojalıqları basshıları da qatnastı.

Onda tiykarınan búgingi kúnde Prezidentimiz tárepinen sharwashılıqqa baylanıslı shıǵarılıp atırǵan qararlarına tiykarlanıp ámelde islenip atırǵan keń kólemli  jumıslar nátiyjeliligin, jaqın hám uzaq rayonlardaǵı sharwashılıq penen shғǵıllanıwshı xojalıqlardıń suwsizlıq mashqalasına da toqtap ótilip, onı saplastırıw sharaların kóriw jumısların alıp barıw, sonday-aq, qısqı azıqlıq bazasın tayarlaw hám ot-jem bazasın bekkemlew haqqında sóz etildi. Qatnasıwshılar ózlerin qızıqtırǵan sorawlarǵa juwaplar aldı.

.

Kanalǵa aǵza bolıń :

Qaraqalpaqstan Respublikası  veterinariya hám sharwashılıqtı rawajlandırıw  komiteti Málimleme xızmeti