2022-2023-jılları jámiyette huqıqıy mádeniyattı rawajlandırıw boyınsha is-ilajlar baǵdarlaması

Ózbekstan Respublikası Prezidentiniń 2019-jıl 9-yanvardaǵı «Jámiyette huqıqıy sana hám huqıqıy mádeniyattı rawajlandırıw sistemasın túpten jetilistiriw haqqında»ǵı PF-5618-sanlı Pármanınıń orınlanıwın támiyinlew, sonday-aq jámiyette huqıqıy mádeniyattı rawajlandırıw boyınsha ilajlar belgilew maqsetinde Ózbekstan Respublikası Ministrler Kabinetiniń «2022-2023-jılları jámiyette huqıqıy mádeniyatı rawajlandırıw boyınsha is-ilajlar baǵdarlamasın tastıyıqlaw haqqında» 2022-jıl 16-mayda 259-sanlı qararı qabıl etildi.

Párman menen tastıyıqlanǵan jámiyette huqıqıy mádeniyattı rawajlandırıw koncepsiyasında onıń tiykarǵı maqseti xalıqtıń barlıq qatlamlarınıń huqıqıy sawatlılıǵın asırıwǵa erisiw, óz huqıqların jaqsı biletuǵın hám nızamlardı húrmet etetuǵın, huqıqıy bilimlerinen kúndelikli turmıs tárizinde paydalana alatuǵın, belsendi puqaralıq poziciyaǵa iye bolǵan hám huqıqbuzıwshılıqqa qarsı gúresiwde kelisimli múnásibette bolatuǵın puqaralardı tárbiyalawda keń qamtılǵan úzliksiz sistemasın jaratıw belgilengen.

Usı Koncepciyada belgilep berilgen maqset hám wazıypalarǵa nátiyjeli erisiw ushın, hár eki jılda jámiyette huqıqıy mádeniyattı rawajlandırıw boyınsha is-ilajlar baǵdarlamasın qabıl etiw ámeliyatı jolǵa qoyılǵanlıǵı boyınsha 2022-2023-jıllar ushın Baǵdarlama tastıyıqlandı.

Baǵdarlama boyınsha mámleketlik organlar hám shólkemlerde islewshilerdiń huqıqıy mádeniyatın rawajlandırıw boyınsha ámelge asıralatuǵın is-ilajlar belgilengen.

Usı is-ilajlardıń biri jumısshılardıń miynet huqıqı bolıp Ózbekstan Respublikası Miynet kodksiniń 16-statyasında belgilengen. Islewshilerdiń tiykarǵı miynet huqıqları Konstituciyaǵa muwapıq hárbir adam miynet etiw, erkin jumıs tańlaw, nızamlı miynet shártleri tiykarında islew hám nızamda belgilengen tártipte jumıssızlıqtan qorǵanıw huqıqına iye.

Hárbir jumısshı, óz miyneti ushın nızamshılıqta Miynetke haqı tólewdiń jeke tarif setkasınıń birinshi razryadı boyınsha belgilengennen az bolmaǵan muǵdarda haqı alıw;

• múddetleri, shegarası belgilengen jumıs waqtın orınatıw, bir neshe kásipler hám jumıslar ushın jumıs kúnin qısqartıw, hár háptelik dem alıs kúnleri, bayram kúnleri, sonday-aq haqı tólenetuǵın jıllıq miynet dem alıs beriw arqalı támiyinlenetuǵın dem alıslar;
• qáwipsizlik hám gigiena talaplarına juwap beretuǵın sháriyatlarda miynet etiw;
• kásipke tayarlaw, qayta tayarlaw hám qánigeligin jetilistiriw;
• jumıs penen baylanıslı jaǵdayda densawlıǵına yamasa mal-múlkine keltirilgen zıyannıń ornın qaplaw;
• kásiplik awqamlarına, jumısshılar hám miynet jámiyetleriniń máplerin ańlatıp beriwshi basqa shólkemlerge birlesiw;
• qartayǵanda, miynet etiw uqıbın joyıtqanda, baǵıwshısınan ayırılǵanda hám nızamda názerde tutılǵan basqa da jaǵdaylarda sociallıq járdem alıw;
• óziniń miynet huqıqların qorǵaw, sonday-aq sud arqalı qorǵaw hám yuridik járdam alıw;
• jámiyettegi miynet tartıslarında óz máplerin qorǵaw huqıqına iye.

Sonday-aq, Baǵdarlamada huquqbuzıwshılıqtıń aldın alıw, múrájáátler menen islesiw boyınsha bilimlerin asırıwǵa qaratılǵan «Huqıqıy sawatlılıq aylıǵı», «Korrupciyaǵa qarsı gúresiw aylıǵı» hám «Konstituciyalıq huqıq aylıǵın» ótkeriw belgilengen.

Qaraqalpaqstan Respublikası Veterinariya

hám sharwashılıqtı rawajlandırıw

komitetiniń bas yuriskonsulttı                                                        E.Atajanov