ÓZBEKSTANDA “PARAVETERINARLAR” TAYARLAWDÍ JOLǴA QOYÍLADÍ

Pútkiljáhán haywanlar salamatlıǵın  qorǵaw shólkeminiń eksperti Dmitriy Morozov Ózbekstan Respublikası Veterinariya hám sharwashılıqtı rawajlandırıw mámleketlik komitetine keldi.

 Sapar dawamında mámleketimizde veterinariya hám sharwashılıq salasında kadrlar tayarlanatuǵın joqarı hám professional tálim mákemeleriniń múmkinshilikleri menen jaqınnan tanıstı. Atap aytqanda, Samarqand mámleketlik veterinariya medicinası, sharwashılıq hám biotexnologiyalar universiteti hám de Universitet janındaǵı Samarqand veterinariya medicinası texnikumında bolıp professor -oqıtıwshılar hám studentler menen birgelikte dógerek sáwbetleri ótkerildi.

Sonıń menen birge, 15- iyun kúni Komitet baslıǵı orınbasarı A. Akbarov penen bolıp ótken rásmiy ushırasıwda Pútkiljáhán haywanlar salamatlıǵın  qorǵaw shólkemi tárepinen MDH mámleketlerinde “Paraveterinarlar” tayarlaw boyınsha ámelge asırılıp atırǵan joybarda Ózbekstan da qatnasıwı, paraveterinarlar tayarlaw boyınsha oqıw joba hám baǵdarlamalar xalıqaralıq qánigeler tárepinen islep shıǵılıwı hám mámleketimizde veterinariya tarawındaǵı kadrlarǵa bolǵan real mútajlikti inabatqa alǵan halda paraveterinarlar tayarlawdı jolǵa qoyıw máseleleri talqılaw etildi.

 Usı joybar Amerika Qurama Shtatları Qorǵanıw ministrliginiń Biologiyalıq qáwipsizlik sheńberinde sheriklik birge islesiw joybarı qarjları esabınan finanslastırılıwı belgilendi.