Dáslepki  pitkeriwshiler pitkeriw qánigelik jumısların jaqladı

Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń dáslepki pitkeriwshilerileri pitkeriw kásiplik jumısların jaqladı.

Atap aytqanda, «Veterinariya hám zooinjeneriya» fakulteti Veterinariya medicinası baǵdarınıń 7 pitkeriwshisi 4 jıl dawamında alǵan bilimlerine súyengen halda, tańlaǵan temaları boyınsha diplom jumısların jaqlap shıqtı.

Filial direktorınıń oqıw isleri boyınsha orınbasarı Q.Atanazarov hám komissiya aǵzaları pitkeriwshilerdi qutlıqlap, keleshekte olarǵa bálent párwazlar tiledi.  Olar tárepinen pitkeriw qánigelik jumısları jaqsı bahalandı.

Álbette, bul filial tariyxında dáslepki pitkeriwshiler sıpatında este qalatuǵın student-jaslar, qalaberse, professor-oqıtıwshılar ushın da umıtılmas máwritler esaplanadı. Bolajaq qánigeler keleshekte filialdıń professor-oqıtıwshıları tárepinen berilgen bilim jáne kónlikpelerdi aqlap, veterinariya tarawınıń rawajlanıwına ózleriniń salmaqlı úleslerin qosatuǵınına úlken isenim bildirdi.

Zooinjeneriya baǵdarında bilim alǵan jaslardıń pitkeriw qánigelik jumıslarınıń jaqlawı usı háptege rejelestirilgen.

Derek: Qaraqalpaqstan xabar agentligi

Kanalǵa aǵza bolıń :

Qaraqalpaqstan Respublikası  veterinariya hám sharwashılıqtı rawajlandırıw  komiteti Málimleme xızmeti