Búgin   Qaraqalpaqstan Respublikası  veterinariya hám sharwashılıqtı rawajlandırıw  komiteti mákemesinıń  májilisler zalında 2022-2023-jılları  jámiyette huqıqıy mádeniyattı rawajlandırıw  is-ilajlar baǵdarlaması boyınsha videokonferenciya ótkerildi.

Ózbekstan Respublikası Prezidentiniń 2019-jıl 9-yanvardaǵı «Jámiyette huqıqıy sana hám huqıqıy mádeniyattı rawajlandırıw sistemasın túpten jetilistiriw haqqında»ǵı PF-5618-sanlı Pármanınıń orınlanıwın támiyinlew, sonday-aq jámiyette huqıqıy mádeniyattı rawajlandırıw boyınsha ilajlar belgilew maqsetinde Ózbekstan Respublikası Ministrler Kabinetiniń «2022-2023-jılları jámiyette huqıqıy mádeniyatı rawajlandırıw boyınsha is-ilajlar baǵdarlamasın tastıyıqlaw haqqında» 2022-jıl 16-mayda 259-sanlı qararı qabıl etilgen edi.

Sol qatarı parmannıń orınlanıwın támiyinlew maqsetinde Qaraqalpaqstan Respublikası veterinariya hám sharwashılıqtı rawajlandırıw komitetinde de belsendi, jámiyetshilik penen islew kónlikpelerine iye huqıqıy úgit-násiyatlawshı topar aǵzaları hám rayonlıq tiyisli qánigeler menen birgelikte videokonferenciya ótkerildi

.

Onda tiykarınan xızmetkerlerdiń miynet huqıqı, huqıq buzıwlardıń aldın alıw, shártnamalar hám múrájáátler menen islew boyınsha bilimlerin kúsheytiw, óziniń miynet huqıqların qorǵaw,  sud arqalı qorǵaw hám yuridik járdam alıw menen birge, baǵdarlamada huquqbuzıwshılıqtıń aldın alıw, murájáátler menen islesiw boyınsha bilimlerin asırıwǵa qaratılǵan «Huqıqıy sawatlılıq aylıǵın», «Korrupciyaǵa qarsı gúresiw aylıǵın» hám «Konstituciyalıq huqıq aylıǵın » ótkeriw  boyınsha da Komitettiń bas yuriskonsultı E.Atajanov tárepinen birqansha túsinik hám huqıqıy másláhátler berilip ótildi. Qatnasıwshılar ózlerin qızıqtırǵan sorawlarǵa juwaplar aldı.

Kanalǵa aǵza bolıń :

Qaraqalpaqstan Respublikası  veterinariya hám sharwashılıqtı rawajlandırıw  komiteti Málimleme xızmeti