O’ZBEKISTAN HÁM MAG’OLSTAN MÁMLEKETLERI ARASÍNDA AWÍL XOJALÍǴÍ TARAWÍNDA BIRGE ISLESIW BOYÍNSHA  ÓZARA KELISIM ORNATÍLDÍ

Ózbekstan hám Mongoliya ortasında awıl xojalıǵı tarawında ushırasıw bolıp ótti. Birge islesiw boyınsha sóylesiwlerde Ózbekstan awıl xojalıǵı ministri orınbasarı Alisher Tóraev Mongoliya sırtqı isler ministri orınbasarı Bacumber Munxjin menen ushırastı.

Mongoliyada sharwashılıq agrar sektordıń eń rawajlanǵan tarmaǵı esaplanadı. Mámlekette 70 millionǵa jaqın iri hám mayda qaramal bolsa, sonnan 35 millionǵa jaqını qoy.

Sonıń menen birge, mırza Munxjin búgingi kúnde óz-ara tovar jetkerip beriw tiykarınan qurǵaqlıqtaǵı transport arqalı ámelge asırılıp atırǵanın aytıp, sol múnásibet penen mámleketler ortasındaǵı sawda-satıqtıń jańa jolı sıpatında charter reyslerdi jolǵa qoyıw usınısın bildirdi.

Eki tárepleme sóylesiwler juwmaǵında Ózbekstannan Mongoliyaǵa jetkerip beriletuǵın azıq-awqat hám awıl xojalıǵı ónimleriniń kólemin kóbeytiw boyınsha kelisimge erisildi.

Bunnan tısqarı, Mongoliyadan gósh hám gósh ónimlerin jetkerip beriw kólemi de kóbeytiledi.

Tárepler Ózbekstan hám Mongoliyanıń óz-ara sawda hám qospa joybarlardı jolǵa qoyıwda birge islesiwden mápdar kárxanaları dizimin dúziw boyınsha kelisimge eristi.

Baǵshılıq hám ıssıxanalardı rawajlandırıw boyınsha Ózbekstan tájiriybesin úyreniw boyınsha eki mámleket ilimiy keńseleri ortasında birge islesiw jolǵa qoyıladı.

Kanalǵa aǵza bolıń :

Qaraqalpaqstan Respublikası  veterinariya hám sharwashılıqtı rawajlandırıw  komiteti Málimleme xızmeti