Prezident Shavkat Mirziyoyev 24-may kúni neft-gaz shiykizattı qazıp alıw hám ónim islep shıǵarıwdı keńeytiw máselelerin talqılaw boyınsha jıynalıs ótkerdi.

Mámleketimizdiń Rawajlanıw strategiyasında ekonomikanı  liberallastırıw hám sanaattıń jetekshi tarmaqların transformaciya qılıw boyınsha maqsetler belgilengen.  Atap aytqanda, neft-gaz salasında da transformaciya processleri baslanǵan.

Jıynalısta mámleketimiz basshısı, áwele, sol máselege itibar qaratıp, bul procesti jedellestiriw zárúr ekenligin aytıp ótdi. Xalıqaralıq konsultantlardı qaratıp, strategiyalıq qatnasıqlardı  belgilep alıw, neft-gaz salasında esap -kitap mexanizmleri ashıqlıǵın támiyinlew wazıypaları qoyıldı.

Kárxanalardı finanslıq jaqtan salamatlastırıw, operativ nátiyjelililikti asırıw arqalı ǵárejetlerdi kemeytiw, basqarıw sistemasın aldıńǵı shet el tájiriybesi tiykarında shólkemlestiriw boyınsha ilajlar belgilendi.

Prezident tarmaq basshılarına xalıq hám isbilermenlik subyektlerin janarmay -energiya dárekleri menen úzliksiz támiyinlew boyınsha anıq tapsırmalar berdi.

Tábiyiy gaz tutınıwın baqlaw hám esapqa alıwdıń avtomatlastırılǵan sistemasın tolıq jumısqa túsirip, joytıwlardı saplastırıw ilajları belgilendi. Resursların házirden tejew hám  alternativ energiyadan paydalanıwdı xoshametlew zárúrligi aytıp ótildi.

Kanalǵa aǵza bolıń :

Qaraqalpaqstan Respublikası  veterinariya hám sharwashılıqtı rawajlandırıw  komiteti Málimleme xızmeti