Pútkil jáhán  haywanlar  salamatlıǵın qorǵaw shólkeminiń 89 – Bas sessiyası nátiyjeli ótkerilmekte

Pútkil jáhán  haywanlar  salamatlıǵın qorǵaw shólkeminiń 89 – Bas sessiyası nátiyjeli ótkerilmekte

Pútkil jáhán  haywanlar salamatlıǵın qorǵaw shólkemi (OIE) Pútkil jáhán assambleyasınıń 89 – Bas sessiyasi 2022-jıl 23-maydan 26-may kúnine shekem jalpı jıynalıs kórinisinde yarım gibrid formatta bolıp ótedi.

Tiykarǵı bayanatshılar Franciyanıń Parij qalasında ilaj ótkeriletuǵın zaldan, aǵza mámleketlerdiń delegatları aralıqtan turıp ilajda qatnasadı.

Usı xalıqaralıq ilajda Ózbekstan delegaciyası Veterinariya hám sharwashılıqtı rawajlandırıw mámleketlik komiteti baslıǵı orınbasarı – OIE delegatı Abror Akbarov basshılıǵında aralıqtan qatnasıw bolıp ótpekte.

Bas sessiyada basqarıw hám texnikalıq rezolyuciyalar qabıl etiliwi, sonıń menen birge, shólkemniń ayırım basqarıw shólkemlerindegi bos orınlarǵa saylawlar ótkeriliwi jobalastırılǵan.

Bunnan tısqarı tórt kún dawamında OIE milliy delegatları tárepinen haywanlar salamatlıǵı  hám qáwipsizligi  boyınsha jańa xalıqaralıq standartlar dodalanıp, eń áhmiyetlileri  qabıl etiledi. Sonıń menen birge, qatnasıwshılarǵa dúnya júzinde  haywanlardıń házirgi global kesellikleri, atap aytqanda, zoonozlar haqqında tolıq maǵlıwmat hám  analizler keltirip  ótildi.

Ilaj dawamında OIE Bas direktorı Monik Elua xanım shólkem tárepinen 2021-jılda ámelge asırılǵan ilajlar haqqında ulıwma maǵlıwmat hám nátiyjeler haqqında esabat berdi.

Sonıń menen birge, bıyılǵı bas sessiyada aǵza mámleketlerde Veterinariya xızmetleriniń global, regionallıq hám milliy ayrıqsha jaǵdaylardı basqarıw sistemalarında qatnasıwı hám haywan kesellikleriniń jańa rásmiy mártebelerin tastıyıqlaw máselelerine de ayrıqsha itibar beriliwi belgilengen.