Ózbekstanda gósh bahasınıń turaqlılıǵı támiyinlenbekte

Bu’gingi ku’nde dúnyada júz berip atırǵan waqıya-hádiyseler sebepli azıq-awqat qáwipsizligi hám támiynatı mámleketler, xalıqlar táǵdirindegi zárúrli máselege aynalǵan bir waqıtta Ózbekstan bazarlarında gósh-sút ónimleri bahasında keskin ózgeris sezilgen  joq.

 Sebebi, sońǵı úsh jılda sharwashılıq hám onıń tarmaqların jáne de rawajlandırıw, tarawdı qollap-quwatlaw maqsetinde prezidentimizdiń bir qansha párman hám qararları qabıllandı. Bul normativ hújjetlerdiń atqarılıwı búgingi kúnde respublika xalqın sharwashılıq ónimleri menen úzliksiz támiyinlew hám olardıń bahasın bir qálipte saqlawda unamlı tásirin kórsetpekte.

 ” Ózbekchorvanasl” agentligi bas direktorı orınbasarı Nargiza Amonboeva azıq-awqat qawipsizligin támiyinlewde islenip atırǵan jumıslar haqqında maǵlıwmat berdi.

 ” Búgingi kúnde azıq-awqat qawipsizligin támiyinlew eń zárúrlisi bolıp tabıladı. Sharwashılıq ónimleri hárbir shańaraqqa kirip barıwı kerek.  Bunnan u’sh jıl aldın sharwashılıq hám veterinariya bir sistema etip dúzildi. Álbette,  azıq-awqat qáwipsizligin támiyinlewde sharwashılıqtıń tutqan ornı úlken. Maǵlıwmatlarǵa qarasaq, islep shıǵarıwdı jıldan-jılǵa asırıw maqsetinde sistemalı jumıslar ámelge asırılıp atır”,-deydi ol.

 Nargiza Amonboevanıń atap ótiwine qaraǵanda, búgingi kúnde sharwashılıq ósiw pátinde rawajlanıp atır. Atap aytqanda, 2019-jılda sharwashılıq subyektleri tárepinen baǵılıp atırǵan qaramallar sanı 4, 5% ti quraǵan bolsa, búgingi kúnde bul kórsetkish 10 procentke shamalasqan.

 Bul bolsa,  sharwashılıq subyektleri  jedel rawajlanıp atırǵanınan derek beredi.