1-maydan 4 komitet shólkemlestiriledi

Usı jıldıń 1-may sánesinen baslap baqlaw keńesi aǵzalarınan ibarat bir qatar komitetler — Strategiya hám investiciyalar komiteti, Audit komiteti, Tayınlawlar hám haqı tólew komiteti, Korrupciyaǵa qarsı gúresiw hám etika komiteti shólkemlestiriledi.

Bul haqqında prezidenttiń «Isbilermenlik ortalıǵın jaqsılaw hám jeke sektordı rawajlandırıw arqalı turaqlı ekonomikalıq ósiw ushın shárt-sharayatlar jaratıw boyınsha gezektegi reformalar haqqında»ǵı pármanında sóz etiledi.

Sonıń menen birge, pármanǵa muwapıq  mámleketlik úlesi 50 payız hám onnan artıq bolǵan xojalıq jámiyetleri, sonday-aq, mámleketlik unitar kárxanaları basqarıw uyımlarınıń jumıs nátiyjeliligin hám juwapkershiligin asırıw maqsetinde 2022-jıl 1-aprelden keyin orınlaw uyımı baslıǵı sıpatında tayınlanǵan (qayta tayınlanǵan) shaxs eki múddetten artıq orınlaw uyımı baslıǵı bolıwı múmkin emesligi belgilendi.

Derek:«Xabar.uz»