Tórtkúlde Qrim-Kongo gemorragik lexoradka  keselligine qarsı seminar bolıp ótti

Tórtkúlde Qrim-Kongo gemorragik lexoradka  keselligine qarsı seminar bolıp ótti

Qaraqalpaqstannıń Tórtkúl rayonında Krim-Kongo gemorragik lexoradka keselliginiń  aldın alıw boyınsha alıp barılıp atırǵan  ilajlarǵa bola,  teoriyalıq hám de ámeliy seminar ótkerildi. Seminarda veterinariya qánigeleri tárepinen usı keselliklerdiń kelip shıǵıw sebepleri, aldın alıw hám olardı saplastırıw, sonday-aq  aymaqta epizootik turaqlılıqtı támiyinlew boyınsha ámelge asırılıp atırǵan jumıslar jóninde keń  túsinik hám maǵlıwmatlar berip ótildi.

Sonıń menen birge, Qrim-Kongo gemorragik lexoradka keselligine qarsı gúresiw  boyınsha aymaqlardı  dezinfekciyalaw jumısları alıp barıldı.

Qaraqalpaqstan Respublikası veterinariya hám sharwashılıqtı rawajlandırıw komiteti Málimleme xızmeti