SHARWASHÍLÍQTÍŃ  RAWAJLANÍWÍ , NÁSILSHILIK HÁM GENETIKAǴA BAYLANÍSLÍ,  DEYDI  ISPANIYALÍ  QÁNIGELER

SHARWASHÍLÍQTÍŃ  RAWAJLANÍWÍ , NÁSILSHILIK HÁM GENETIKAǴA BAYLANÍSLÍ,  DEYDI  ISPANIYALÍ  QÁNIGELER

Ispaniyanıń “OVIGEN” hám “WES” kompaniyaları wákilleri” WES” konsorciumi prezidenti  Xose Antonios Esteban Villegas, Sharwashılıqtı qadaǵalaw hám gigiena xızmeti baslıǵı Santyago de Kastro Alfagueme, sonıń menen birge Xose Manuel Vaskes Ernandes, Xuan Alberto Sanz Moneo, Xalıqaralıq biznes joybarların rejelestiriw hám islep shıǵıw,  xalıqaralıq baylanıslardı rawajlandırıw bólimi kishi xızmetshisi  Dmitriy Ilinlerden ibarat delegaciya Samarqand Veterinariya medicinası institutına keldi. Respublikalıq pilleshilik hám jún sanaatın rawajlandırıw komitetiniń usınısına kóre, usı delegaciya Qorakólchilik salasındaǵı ámeliy birge islesiw joybarları hám programmaların óz ara talqılap, ámeliyatqa engiziw hám de shet el tájiriybelerin  ǵalabalastırıw maqsetinde elimizde  miyman boldı.

Maǵlıwmatlarǵa kóre, usı kompaniyalar Ispaniya Patshalıǵınıń násilshilik hám genetika salasında jetekshi kompaniyalarınan esaplanıp, olar jaratqan qoy (ASSAF) túri ónimdarlıǵınıń

joqarılıǵı menen ajralıp turadı.

Kompaniya genetika salasında úlken tájiriybege iye bolıp, búgingi kúnde dúnyanıń kóplegen mámleket

lerine násilli tuqım hám embirionlardı eksport etedi.

Delegaciya wákili, sharwashılıq sanaatında násil hám genetikanı jetilistiriw boyınsha 30 jıldan artıq tájiriybege iye qánige, Násilshilik hám genetikalıq jetilistiriw orayınıń veterinariya hám reprodukciya bólimi direktorı  Xose Manuel Vaskes Ernandestiń  sózlerine kóre, Ispaniyada bul taraw júdá jaqsı  rawajlanǵan. Mámleket ekonomikasınıń rawajlanıwına  bul jeke tarmaqtıń qosqan  úlesi júdá úlken hám erkin báseki ortalıǵı saqlanǵan. Bul óz gezeginde  sharwashılıq tarawınıń  rawajlanıwına unamlı tásir kórsetedi. .

Ispan  qánigeleriniń pikirine qaraǵanda, sharwashılıqta genetika hám násilshiliktiń ilimiy tiykarların rawajlandırmay turıp, nátiyjeli iskerlikti támiyinlew múmkinshiliksiz  ekenligin atap ótedi. Onıń ushın bolsa, zamanagóy loboratoriyalar, tájiriybeli  qánigeler hám de bazar ekonomikası nızamlarına tiykarlanǵan haqıqıy báseki ortalıǵı zárúr.

Sapar dawamında miymanlar  taraw boyınsha Oraylıq Aziyada birden-bir bolǵan Samarqand Veterinariya medicinası institutınıń jumısları menen jaqınnan tanıstı. Tálim orayınıń  potencialı, ámeldegi oqıw hám ilimiy laboratoriyaları, professor oqıtıwshıları hám  alıp barılıp atırǵan ilimiy izertlewler haqqında maǵlıwmat aldı.

Mámleketimizde mayda shaqlı mallardı  zamanagóy usılda jasalma tuqımlandırıw,  olardıń genetikalıq bankin jaratıw, embrionlerdi laboratoriya usılında kóbeytiw boyınsha Ispaniya tájiriybesi tiykarında zamanagóy násilshilik laboratoriyasın shólkemlestiriw jobalastırılǵan.

PS: Sapar dawamında aymaqlarda mayda shaqlı  násilli mallardı  jetilistiriw menen shuǵıllanatuǵın qorakólshilik, násilshilik jámiyetleri, násilshilik ilimiy tájiriybe stanciyaları hám de klasterler iskerligi úyrenilinip, tarawda ámelge asırılıp atırǵan selekciya jumısları hám tájiriybeleri talqılandı.

Ózbekstanda mayda shaqlı mallardı  kóbeytiw, olardıń  násilin jaqsılaw hám de mayda shaqlı mallardıń  azıqlıq  bazasın bekkemlew boyınsha jańasha jantasıwlar boyınsha usınıslar úyrenildi.

Derek SamVMI Málimleme  xızmetinen alinip tayarlandi