Sharwashılıq: Aqılǵa say is-ilajlar azıq-awqat bahasınıń turaqlı bolıwına xızmet etpekte

 Bu’gingi ku’nde dúnyada júz berip atırǵan waqıya-hádiyseler  sebepli azıq-awqat qawipsizligi menen támiyinlew,  mámleketler, xalıqlar turmısındaǵı eń áhmiyetli  máselege aynalǵan bir waqıtta  mámleketimiz basshısı tárepinen adamlardı ırazı etiwge qaratılǵan siyasat sebepli bazarlarımızda gósh-sút ónimleri bahasında keskin ózgeris baqlanbadı.

 Sebebi, sońǵı úsh jılda sharwashılıq hám onıń tarmaqların jáne de rawajlandırıw, tarawdı qollap-quwatlaw maqsetinde prezidentimizdiń  bir qatar párman hám qararları qabıllandı. Bul normativ hújjetlerdiń orınlanıwı nátyjesinde, búgingi kúnde respublika xalqınıń sharwashılıq ónimleri menen úzliksiz támiyinlewin hám olardıń bahasın bir qálipte saqlawda u’lken áhmiyetke iye bolmaqta.

 Mısal ushın, aqırǵı eki jılda sharwashılıq baǵdarında ulıwma bahası 2, 9 mıń joybar ámelge asırıldı. Bunıń nátiyjesinde tazadan 2, 3 mıń sharwashılıq xojalıqları iskerligi jolǵa qoyıldı.

 Nátiyjede jámi 190 mıńnan zıyat, turaqlı jáne máwsimlik jańa jumıs orınların jarattı. Salıstıratuǵın bolsaq, 2016 -2017- jıllarda jılına 100 kárxananı iske túsiriw imkaniyatı bolmaǵan.

 Usı joybarlardı ámelge asırıw nátiyjesinde respublikamızdıń sharwashılıq xojalıqlarındaǵı qaramallar sanı 1, 1 million basqa, qoy-eshkiler sanı 4, 6 million basqa, tiri salmaǵındaǵı gósh 283 mıń tonnaǵa, sút 696, 3 mıń tonnaǵa jetkizildi. Biraq 2021-jılda jawın jawıwı normaǵa salıstırǵanda kem bolǵanlıǵı sebepli, sharwanı azıq penen támiyinlewde óz tásirin kórsetdi

 Mısal ushın, 1 jońıshqa press 2, 3 teńdey – 15 mıń sumnan 35 mıń swmga, 1 kg. silos 1, 9 teńdey – 320 sumnan 600 swmga, 1 kg. biyday 1, 8 teńdey – 2, 2 mıń sumnan 4 mıń swmga hám 1 kg. mákke 1, 4 teńdey – 3 mıń swmnan 4, 2 mıń swmga qımbatladı.

 Birja daǵı 1 tonna shrot bahası 1, 4 teńdey – 2, 9 mln. swmnan 4 mln swmga, sheluxa 1, 5 teńdey – 2 mln. sumnan 3, 1 mln. swmga kóterildi.

  Analizlew nátiyjesine kóre, azıq -jem bahasınıń asıwı esabına góshtiń ortasha bahası 100-110 mıń swm, sút bahası 10 -13 mıń swm bolıw múmkinshligi bar edi.

 Biraq uzaqtı gózlep tarawdı jáne de rawajlandırıw boyınsha qabıl etilgen qararlar tiykarında sharwashılıq xojalıqların mámleket tárepinen qollap -quwatlanıwı, olar tárepinen jetistirilgan hám realizaciya etilgen gósh, sút hám máyek ónimlerine subsidiya ajratılıwı hám qosılǵan baha salıǵınan jeńillikler beriliwi óziniń nátiyjesin kórsetti.

 Xabarıńız bar, búgingi kúnde bir kilogramm gósh 55-65 mıń swm, bir litr sút 4, 5-5, 5 mıń swm.

Eger  salıstıratuǵın bolsaq, Kazaxstanda 1 kg qara maldıń góshi − 5, 8, Azerbaydjanda – 7, Rossiyada – 8, 5, Tu’rkmenistanda -10, Gruziyada – 10, Turkiyada 10, 4, hám Kareyada – 60 AQSh dollarınan satılmaqda.

 Bu’gingi ku’nde berilgen jeńilliklerden nátiyjeli paydalanıw esabınan sharwashılıq xojalıqlarında 400 mıń bastan zıyat gósh ushın sharwa malları baǵılıp kelinbekte.

 Sonı da atap ótiw kerek, bul sharwa mallarınıń soyıw dárejesindegi jetilgeni hám de jańadan shólkemlestirilgen sharwashılıq xojalıqlarınıń jumıs iskerligi esabınan ishki bazarǵa gósh óniminlerin jetkizip beriw turaqlılıǵı támiyinlenip kelinbekte.

 O’zA