Búgin Ózbekstan Qaharmanı, Ózbekstan hám Qaraqalpaqstan xalıq shayırı, sóz kórkem óneriniń belgili ǵayratkeri Ibrayım Yusupov dúnyaǵa kelgen kún. Onıń júrek tórinen jazılǵan qosıqları qálbimizge tereń mórlenip, ruwxıy dúnyamızdı bayıtıp kelmekte.

Shayırdıń dóretiwshiligi — xalıq ruwxı, watanǵa muhabbat hám insanıylıq sezimlerdiń teńsiz kórinisi bolıp tabıladı. Qaraqalpaq xalqınıń hár bir perzenti ushın ullı shayırdıń esteligi áziz, dóretiwshiligi bolsa hámiyshe ardaqlanadı.
⚡️Bıyıl Ibrayım Yusupovtıń 97 jıllıǵı elimiz boylap keńnen belgilenbekte. Bul — onıń ullı miyrasına bolǵan joqarı hám sheksiz húrmettiń xalıq qálbindegi móri.
Maǵlıwmat ornında, Ibrayım Yusupov 1929-jıl 5-may kúni Shımbay rayonında tuwılǵan. Onıń kóplegen qosıq toplamları basıp shıǵarılǵan hám ádebiyatımız ǵáziynesinen bekkem orın alǵan.
⚡️Húrmetli Prezidentimizdiń baslaması menen Nókis qalasında shayır esteligine baǵıshlanǵan estelik hám onıń atındaǵı dóretiwshilik mektebi qurılǵan.
Ibrayım Yusupovtıń esteligi xalıq qálbinde máńgi jasaydı.