Búgin Qaraqalpaqstan Respublikası Veterinariya hám sharwashılıqtı rawajlandırıw komiteti tárepinen respublika aymaǵındaǵı diyqan bazarlarında alıp barılıp atırǵan qadaǵalaw ilajları boyınsha ashıq-sáwbet shólkemlestirildi.

Ótkerilgen ilájdan tiykarǵı maqset – bazarlarda satıw ushın shıǵarılıp atırǵan sharwashılıq hám azıq-awqat ónimleriniń veterinariya-sanitariya talaplarına muwapıqlıǵın támiyinlew, tutınıwshılardıń salamatlıǵın qorǵaw hám ámelge asırılıp atırǵan qadaǵalaw jumısları boyınsha jámiyetshilikti hár tárepleme xabardar etiwden ibarat.

Ashıq-sáwbet dawamında, IIM JQX JTSB (Jámiyetlik qawipsizlik xızmeti  Jámiyetlik tartipdi saklaw basqarması) karantin ilajların támiyinlew toparı komandiri D.Bekmuratov, Qaraqalpaqstan Respublikası Veterinariya hám sharwashılıqtı rawajlandırıw komiteti diagnostikalıq jumıslardı muwapıqlastırıw hám monitoring qılıw sektori baslıǵı R.Ubaydullaev,  Qaraqalpaqstan Respublikası haywanlar kesellikleri diagnostikası hám azıq-awqat ónimleri qáwipsizligi laboratoriyalıq orayı veterinariya sanitariya laboratoriyası vetvrachi Aydarova Almagul,  Nókis qalası Oraylıq diyqan bazarı №1 sanlı veterinariya sanitariya ekspertiza laboratoriyası mengeriwshisi N.Daryabaevlar tárepinen maǵlıwmatlar usınılıp:

Diyqan bazarlarında ótkerilip atırǵan qadaǵalaw hám monitoring jumıslarınıń nátiyjeleri;

Veterinariya-sanitariya ekspertizası processleri;

Anıqlanıp atırǵan qaǵıydabuzarlıqlar hám olardı saplastırıw ilajları;

Azıq-awqat qáwipsizligin támiyinlew boyınsha kórilip atırǵan sistemalı ilajlar keń dodalandı.

Sonday-aq, ilaj sheńberinde ǵalaba xabar qurallarınıń wákilleri, blogerler hám jámiyetshilik belsendileri ózlerin qızıqtırǵan sorawlarına tikkeley taraw qánigelerinen juwaplar aldı.