Qaraqalpaqstanda epizootik turaqlılıqtı támiyinlew maqsetinde haywanlardı “Teylerioz”, “Qutırıw”, “Ausıl”, “Otjara”, “Nodulyarnıy dermatit” keselliklerine qarsı shanshıw jumısları jedel alıp barılmaqta.

Qaraqalpaqstan Respublikası Veterinariya hám sharwashılıqtı rawajlandırıw komitetiniń 2025-jıl 17-yanvardaǵı 19-sanlı buyrıǵına muwapıq, “ Qaraqalpaqstan Respublikasında epizootik turaqlılıqtı támiyinlew hám ótkizilip atırǵan profilaktik is-ilájlardıń sapasın asırıw maqsetinde Is-ilájlar baǵdarlaması”na tiykar “ Áhmiyetli 90 kúnlik ” járiyalanıp  ilaj dawamında  epizotiyaǵa qarsı keń kѳlemli jumıslar alıp barılmaqta.

Atap aytqanda, Xojeli, Moynaq, Qanlıkól, Tórtkúl, Shımbay hám Beruniy rayonlarında  veterinariya hám sharwashılıqtı rawajlandırıw bólimi qánigeleri tárepinen aymaqlarda baǵılıp atırǵan sharwa malları  tastıyqlanǵan kalendar grafik tiykarında juqpalı “Teylerioz”, “Otjara”, “Awsıl”, “Nodulyarnıy dermatit”  keselliklerine, úy haywanları “qutırıw” keselligine qarsı  shanshıw jumısları jedel alıp barılmaqta.

Sonday-aq,  qánigeler tárepinen puqaralarǵa  juqpalı  kesellikler haqqında  maǵlıwmatlar berilip,  túsindiriw hám úgit-násiyatlaw jumısları da alıp barılmaqta.

Qaraqalpaqstan Respublikası Veterinariya hám sharwashılıqtı rawajlandırıw komiteti  málimleme xızmeti.