Sharwashılıq  tarmaǵında jıl aqırına  shekem 30 mıńnan aslam jańa jumıs ornı ajratıladı

Bul haqqında Veterinariya hám sharwashılıqtı rawajlandırıw mámleketlik komiteti baslıǵınıń birinshi orınbasarı Shuxrat Jabborov Oliy Májilis nızamshılıq palatası Agrar hám suw xojalıǵı máseleleri komitetindegi parlamenti esabatında málim etedi.

 Qánigeniń atap ótiwinshe, sharwashılıq hám  onıń tarmaqlarında ónim islep shıǵarıwdı jedellestiriw mexanizmlerin ámeliyatqa keńnen en jaydırıw maqsetinde Ministrler kabinetiniń “Respublikada 2022-jılda sharwashılıq tarmaqların rawajlandırıw, násilshilik jumısları hám de veterinariya xızmetlerin kórsetiwdi ele de rawajlandırıw,  olardıń  azıqlıq bazasın bekkemlew, sharwa mallarınıń  ónimdarlıǵın asırıw hám sharwashılıq ónimlerin sanaat usılında islep shıǵarıwdı kóbeytiw haqqında”ǵı is-ilajlar baǵdarlaması  tastıyıqlandı.

 Baǵdarlamaǵa  kóre, Veterinariya hám sharwashılıqtı rawajlandırıw mámleketlik komiteti tárepinen bıyılǵı jılı sharwashılıq hám onıń tarmaqların rawajlandırıw ushın ulıwma bahası 9,7 trln. swmlıq 2 mıń 31 joybar ámelge asırılıp, jaǹadan 30 mıńnan aslam jumıs ornı ajratıladı.

 Qaramalshılıq baǵdarında 697,  paxta-toqımashılıq klasterlerinde 105,  eshki hám qoyshılıq  262,   jılqıshılıqta 18,   túyeshilik 7,  qusshılıqta 312,  balıqshılıqta 289,  palhárreshiliginde 185 hám qoyanshılıqta 48,  sharwashılıq ónimlerin qayta islew boyınsha 81  hám omuxta jem islep shıǵarıw boyınsha 27 joybar  ámelge asırıladı.

 Yanvar-mart aylarında ulıwma bahası 879 mlrd. swmlıq 336 joybar ámelge asırılıp,  sonnan 3 mıńnan artıq jańa jumıs ornı jaratıldı. Ámelge asırılǵan joybarlar sheńberinde shetten 14 mıń 200 bas qaramal hám 45 mıń 550 bas qoy-eshki alıp kelindi.

 Bunnan tısqarı, bıyılǵı jılda 110 gósh hám 139 sút ónimlerin jetiwtiriwshi hám qayta isleytuǵın kárxana tárepinen jámi 11 529 xalıq xojalıqlarına kooperaciya usılında sharwa malların jetkiziw hám jetisltirilgan sharwa ónimlerin qayta islewshi sisteması shólkemlestiriledi.

 Búgingi kúnde sharwashılıq tarawında Mirishkor, Shust hám qusshılıq tarmaǵında Taqıyatash tájiriybeleri keń engizilip atır.

 Jańa iske túsiriletuǵın joybarlar nátiyjesinde jıldıǹ aqırına shekem respublikada qosımsha tiri salmaǵında  85 mıń tonna gósh, 180 mıń tonna sút,  410 mln dana máyek, 100 mıń tonna balıq, 5 mıń tonna pal islep shıǵarıladı

 O’zA