⚡️Mongoliyadan zotli qo‘ylar olib kelinmoqda.

O‘zbekiston Respublikasi Prezidentining veterinariya va chorvachilik tarmoqlarini rivojlantirishga qaratilgan yuksak e’tibori joylarda o‘z amaliy natijasini bermoqda.
Aholini sifatli va raqobatbardosh chorva mahsulotlari bilan ta’minlash, zotli nasllarni ko‘paytirish maqsadida amalga oshirilayotgan ishlar doirasida Mongoliya davlatidan bayad zotli qo‘ylar Kegeyli tumanidagi “Dima sharwa” fermer xo‘jaligi tomonidan yurtimizga olib kelindi.

Shu bilan birga, joriy yilda yana 8 ta chorvachilik yo‘nalishidagi fermer xo‘jaliklari tomonidan Mongoliya davlatidan 2000 bosh naslli qo‘ylarni import qilish bo‘yicha shartnomalar tuzilgan bo‘lib, ularni yil yakuniga qadar olib kelish rejalashtirilgan.
Mazkur tashabbuslar mahalliy chorvachilik sohasida ilg‘or xorijiy tajribani joriy etish, nasldor qo‘ylar zotini ko‘paytirish va mahsuldorlikni oshirishga xizmat qiladi.