Respublika ishchi guruhi tomonidan hududlarda olib borilgan ishlarni tahlil qilish va kuzgi epizootik tadbirlarning samarali tashkil etilishi bo‘yicha o‘rganish ishlari amalga oshirildi.

Ushbu o‘rganishlar doirasida joylardagi veterinariya va chorvachilik sohasidagi joriy holat, epizootik barqarorlik, kasalliklarning oldini olish, profilaktika va emlash tadbirlarining bajarilish darajasi chuqur tahlil qilindi. Shuningdek, olib borilayotgan ishlarning sifati, moddiy-texnik bazasi, xodimlarning tayyorgarlik darajasi va aholiga ko‘rsatilayotgan xizmatlar ko‘lami atroflicha o‘rganildi.

O‘rganishlar natijasida aniqlangan kamchiliklar va mavjud muammolar yuzasidan tegishli tavsiyalar berilib, ularni bartaraf etish bo‘yicha amaliy chora-tadbirlar belgilandi. Ayniqsa, kuz mavsumida yuzaga kelishi mumkin bo‘lgan epizootik xavflarning oldini olish, chorva mollarini yuqumli kasalliklardan himoya qilish va o‘z vaqtida emlash tadbirlarini tizimli tashkil etishga alohida e’tibor qaratildi.