«Уй ҳайвонларини даволаш – уларнинг саломатлиги ва хавфсизлигининг гаровидир» мавзусида матбуот анжумани бўлиб ўтди.

Жорий йилнинг 24 январь куни Қорақалпоғистон Республикаси Ветеринария ва чорвачиликни ривожлантириш қўмитасида уй ҳайвонларини кенг тарқалган ва хавфли касалликларга қарши эмлаш масалаларига бағишланган матбуот анжумани бўлиб ўтди.

Тадбирда Қўмита раиси ўринбосари Б.Қурбаниязов, соҳа мутахассислари, ветеринария шифокорлари амалга оширилаётган профилактик чора-тадбирлар ижроси юзасидан ахборот бериб, иштирокчилар ўзларини қизиқтирган саволларга жавоб олди.

• Уй ҳайвонлари эгалари ҳайвонларининг саломатлиги ва хавфсизлиги учун масъул эканлиги, шунингдек, ветеринария шифокори томонидан тавсия этилган эмлаш жадвалига риоя қилиш зарурлиги таъкидланди.

Эмлаш – бу нафақат уй ҳайвонлари саломатлиги учун ғамхўрлик, балки жамоат хавфсизлигига ҳисса қўшишдир. Барча уй ҳайвонлари эгаларини бу масалага масъулият билан қарашга ва зарур эмлашларни ўз вақтида амалга оширишга чақирамиз. Бу хавфли касалликлар тарқалишининг олдини олиш ва эпизоотик барқарорликни таъминлаш имконини беради.