Озиқ-овқат маҳсулотлари сифати қатъий назоратда

Ветеринария ва чорвачиликни ривожлантириш қўмитаси мутахассислари томонидан аҳолини сифатли озиқ-овқат маҳсулотлари билан таъминлаш мақсадида деҳқон бозорларида назорат ишлари олиб борилмоқда.

Хусусан, Қонликўл, Чимбой, Тўрткўл, Беруний, Кегейли, Бўзатов, Тахтакўпир туманларида Ветеринария ва чорвачиликни ривожлантириш бўлими мутахассислари томонидан деҳқон бозорларидаги мева, полиз, тухум, сут ва гўшт маҳсулотлари сифатини назорат қилиш мақсадида лаборатория текширувларидан ўтказилмоқда.

Шунингдек, озиқ-овқат маҳсулотларининг сифати ва хавфсизлигини таъминлаш бўйича савдо қилувчи фуқаролар ўртасида тарғибот ишлари олиб борилмоқда.

Қўмита томонидан олиб борилаётган бундай ишлар, мамлакатимизда озиқ-овқат маҳсулотлари хавфсизлигини таъминлашга қаратилгани билан аҳамиятлидир.

Қорақалпоғистон Республикаси Ветеринария ва чорвачиликни ривожлантириш қўмитаси Ахборот хизмати.