Oziq-ovqat mahsulotlari sifati qat’iy nazorat qilinmoqda

🔰Veterinariya va chorvachilikni rivojlantirish qo‘mitasi mutaxassis xodimlari tomonidan aholini sifatli oziq-ovqat mahsulotlari bilan ta’minlash maqsadida dehqon bozorlarida nazorat tadbirlari olib borilmoqda.

 Qoraqalpog‘iston Respublikasi Beruniy tumani dehqon bozoriga sotish uchun keltirilgan 2332,5 kg yirik shoxli mol, 756 kg tovuq go‘shti, 151 kg baliq, 319 kg sut va sut mahsulotlari, 9200 dona tuxum, 22476 kg don mahsulotlari hamda 41318 kg o‘simlikka mansub mahsulotlar veterinariya sanitariya ekspertizasidan o‘tkazilib, iste’molga yaroqliligi aniqlandi.

 Shuningdek, nazorat tadbirlari davomida oziq-ovqat mahsulotlari sifati va xavfsizligini ta’minlash bo‘yicha savdo xodimlariga tushuntirish hamda targ‘ibot ishlari olib borilmoqda.
 Xodimlar tomonidan amalga oshirilayotgan nazorat tadbirlari yurtimizda oziq-ovqat mahsulotlarining xavfsizligini ta’minlashga qaratilganligi bilan ahamiyatlidir.

Qoraqalpog‘iston Respublikasi Veterinariya va chorvachilikni rivojlantirish qo‘mitasi.