Qrim-Kongo gemorragik isitma kasalligining tarqalishining oldini olish, fuqarolar salomatligini muhofaza qilish maqsadida hududlardagi chorva mollari hamda ular saqlanadigan joylarda veterinariya va chorvachilikni rivojlantirish bo‘limi xodimlari tomonidan dezinsektsiya ishlari olib borilmoqda.

Virus tarqatuvchi kana tomonidan paydo bo‘ladigan Qrim-Kongo kasalligi inson hayoti uchun katta xavf tug’diradi va og’ir oqibatlarga olib kelishi mumkin.

Shu munosabat bilan mutaxassislar tomonidan kasallikning kelib chiqishi va uning tarqalish xavfini kamaytirish maqsadida Taxtako‘pir tumani olis hududlarida chorvachilik bilan shug’ullanayotgan chorvador fermer xo‘jaliklarda maxsus texnikalar yordamida kompleks dezinsektsiya tadbirlari amalga oshirilmoqda.

Bundan tashqari, veterinariya mutaxassislari fermerlar va uy hayvonlarining egalariga targ’ibot ishlarini olib bormoqda.