Ózbekstan Respublikası Prezidentiniń 2024-jıl 14-noyabr kúngi «Isbilermenlerdiń huqıqları hám nızamlı máplerin isenimli qorǵaw ilajları haqqında»ǵı PP-184-sanlı Pármanınıń orınlanıwın támiyinlew boyınsha seminar-trening bolıp ótti.

Bunda Ózbekstan Respublikası Prezidentiniń 14.10.2024-jıldaǵı PP-184-sanlı Pármanı menen «Isbilermenlerdiń huqıqları hám nızamlı máplerin isenimli qorǵaw isbilermenlik subektleri jumısın tekseriw isbilermenlik subekti tárepinen nızamshılıq buzılıwınıń júz beriw qáwpi dárejesinen kelip shıqqan halda, qáwipti tallaw nátiyjeleri tiykarında qadaǵalawshı uyımlar tárepinen ámelge asırılatuǵını haqqında seminar-trening qatnasıwshılarına jetkerildi.

Ilajda Qaraqalpaqstan Respublikası Veterinariya hám sharwashılıqtı rawajlandırıw komiteti baslıǵınıń orınbasarı B.Qurbaniyazov, QR Ádillik ministrligi sektor bas másláxatshisi, ÓzR Prezidenti janındaǵı isbilermenlik subektleriniń huqıqları hám nızamlı máplerin qorǵaw boyınsha Qaraqalpaqstan Respublikası wákili bas inspektorı, QR Sawda-sanaat palatası basqarması bas qániygesi, QR IIM JQX JTSB karantin ilajların támiyinlew toparı xızmetkerleri hám komitettiń sektor baslıqları, diagnoz orayı qániygeleri, qala, rayonlardaǵı mámleketlik veterinariya inspektorları jáne isbilermenlik subektleriniń basshıları hám wákilleri qatnastı.