Ашық сәўбет болып ѳтти

Усы жылдың 25-декабрь күни Қарақалпақстан Республикасы Ветеринария ҳәм шарӯашылықты раӯажландырыӯ комитети тәрепинен Шарўашылықты раўажландырыўда алып барылып атырған ис-илажлар бойынша ашық сәўбет болып ѳтти.

Ашық сәўбетде комитет баслығының орынбасары Б.Курбаниязов, комитет бѳлим баслықлары менен бирге журналитлер  катнасты.

Бүгинги болып ѳткен ашық сәўбетде эпизотияга қарсы профилактик ис-илажлардың нәтийжелери усынылды. Бул илажлар   ҳайўанлар ҳәм адамлар ушын аӯыр ақыбетлерге алып келиўи мүмкин болған түрли жуқпалы кеселликлерден қорғаўға қаратылған.

 Бул бағдарлама шеңберинде аймақларда бағылып атырған шарўа маллары жуқпалы “Тейлериоз”, “Отжара”, “Аусыл” кеселликлерине, үй ҳайўанлары “қутырыў” кеселлигине қарсы  шаншыў жумыслары жедел алып барылмақта.

Буннан тысқары, «Қарасан», «Бруцеллёз», «Нодуляр дерматит», «Қырым-Конго геморрагик ысытпа» кеселлиги ҳәм басқада жуқпалы кеселликлердиң алдын алыў илажлары кѳрилмекте.

Ашық сәўбетде ғалаба хабар қураллары ўәкиллери тема дөгерегиндеги сораўларына жуўаплар алды.

Қарақалпақстан Республикасы Ветеринария ҳәм шарўашылықты раўажландырыў комитети Мәлимлеме хызмети.