Mámleketlik bayraǵımız qabıl etilgen kún múnásibeti menen bayram ilájı ótkerildi
Hár jılı respublikamız boylap «Ózbekstan Respublikasınıń mámleketlik bayraǵı haqqında»ǵı Nızamı qabıl etilgen kún saltanatlı túrde belgilenedi. 18-noyabr kúni paytaxtımız orayındaǵı mámleketlik bayraqlar maydanında sáne múnásibeti menen bayram ilájı bolıp ótti. Ilájdı Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev ashıp berdi hám bársheni Qaraqalpaqstan Respublikası Joqarǵı Keńesi hám Ministrler Keńesi atınan qutlıqlap ótti.
Usı saltanatlı ilájda Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń direktorı Adilbay Esimbetov, «Veterinariya hám zooinjeneriya» fakultetiniń dekanı Amaniyaz Kaniyazov, Jaslar jetekshisi Berdaq Xojabergenov hám student-jaslar da qatnasıp, kórkem-óner tarawı wákilleri atqarıwındaǵı koncert baǵdarlamasın tamasha etti. Jaslarımızdıń qálbinde milliy maqtanıshımız bolǵan mámleketlik belgilerine degen húrmetti jáne de asırıwda usınday ilájlardıń ornı girewli bolıp tabıladı. Milliy maqtanıshımız bolǵan bayraǵımızdıń barqulla ashıq aspanımızda jelbirep turıwı hár birimizdiń qálbimizdegi girbińiz tilek bolsa kerek. Bayram ilájı joqarı keypiyatta bolıp ótti.
Málimleme xızmeti
Электронная почта
Телефон:
