Ózbekstanda veterinariya qánigeleriniń mamanlıǵın asırıw boyınsha kurslar shòlkemlestiriledi.

         Húkimet sheshimi menen Veterinariya xızmeti qánigeleriniń mamanlıǵın asırıw, olardı qayta tayarlaw hám olarǵa ilmiy tájriybe taypaların  beriw boyınsha mámleket xızmetlerin kórsetiwdiń basqarıw reglamentı tastıyıqlandi. Bul haqqında Telegramdaǵı «huquqiy axborot» kanalı xabar etedi.

        Basqarıw reglamentine kóre, bilimin jetilistiriwge talaban bolǵan veterinariya xızmeti qánigeleri, mámleketlik xızmet oraylarına kelip xabarlasadı yamasa BBIMXO ında dizimnen ótedi. Qabıl etilgen arzalar kórip shıǵıw ushın Samarqand veterinariya medicinası institutı janındaǵı Kadrlardı qayta tayarlaw hám olardıń mamanlıǵın asırıw orayına tezlik penen jiberiledi.

         Bilimin jetilistiriw orayı, arzanıń belgilengen talaplarǵa sáykesligin úsh kún múddette kórip shıǵadı hám bilimimin  jetilistiriwge qabıllaw ushın shártnama dúziw yamasa biykarlaw etiw tuwrısında talabanǵa SMS xabar jiberedi. Sonnan keyin úsh kún múddette bilimimin jetilistiriw orayı menen shártnama dúziledi.

          Shártnama dúzilgennen soń, 5 kún múddette belgilengen tólem talabanlar tárepinen ámelge asırılıwı lazım. Tólem ámelge asırılmaǵan jaǵdayda, olar bilimin jetilistiriw kurslarına qabıl etilmeydi. Tólemdi ámelge asırǵan talabanlar sanınan kelip shıǵıp, oqıw kursları kontingenti qáliplestiredi hám oqıw baslanatuǵın múddeti haqqında bir kún ishinde talabanlarǵa xabar etiledi.

        Mámleketlik xızmetler kórsetilgeni ushın BEMnıń 20 procenti (54 mıń swm) muǵdarında tòlem tòlenedi. Eger BBIMXO arqalı dizimnen òtilgende, bul muǵdar 48 600 swmdı quraydı.