Tez-tez beriletuǵın sorawlarǵa juwaplar

1. Haywanlardı identifikaciya qılmasa da bolama? Haywanlardı mámleketlik veterinariya xızmetinde dizimnen ótkeriw hám identifikaciya etiw májbúriy. Identifikaciyalanbaǵan haywanlardı saqlaw hám baǵıw qadaǵan etiledi. identifikaciya nomerin saqlawshı atribut yamasa veterinariya pasportı bolmaǵan haywanlar identifikaciyalanbaǵan esaplanadı hám olar qadaǵalawsız esaplanıp, belgilengen tártipte iyesin anıqlaw ushın uslap alınadı.
2. Haywanlardı qay jerde soyıw kerek? Soyılatuǵın haywanlardı kommerciyalıq maqsetlerde tek ǵana qánigelestirilgen soyıw kárxanasında soyıw májbúriy (veterinariya vrachınıń ruxsatı menen jeke mútájligi ushın soyıw buǵan kirmeydi)!
3. Haywan qalay satıladı? Haywan iyeleri haywan satılǵanlıǵı yamasa sawǵa etilgenligin veterinariya pasportında Mámleketlik veterinariya xızmetiniń wákiline tastıyıqlatıwǵa májbúr! Bunda, haywan iyeleri ózleriniń shaxsın tastıyıqlawshı hújjetin de usınadı.
4. Haywan satıp alǵanda ne islew kerek? Qarıydar ( alıwshı) haywandı satıp alǵanda turaqlı jasaw ornı boyınsha mámleketlik veterinariya xızmetiniń wákiline jeti kún ishinde haywandı esapqa qoyıw ushın múrájat etiwi shárt!
5. Haywanlar tuwılǵanda qansha múddette identifikaciya etiledi?Qaramal, qoy hám eshkiler, túyelerdiń balaları tuwılǵannan keyin on tórt kúnnen keyin bir aydan keshikpey,qulınlar hám eshekler tórt aylıǵınan,shoshqa palapanları bir aylıqtan,iyt hám pıshıqlar úsh aylıqtan esapqa alınadı.
6. Iytlerdi kóshelerde alıp júriwde (seyil) tártipler bar ma? Iytler ashıq orınlarda yamasa usı ushın arnawlı ajıratılǵan maydanlarda seyil etiledi, iyttiń iyesi iyt qashıp ketpewi yamasa adamlarǵa yamasa basqa haywanlarǵa hújim etpewi ilajların kóriwi shárt. Sonday-aq, iyt moynına jeton bekkemlengen halda jetekte alıp júrilip seyil etiliwi kerek. Iyt ashiq orinlarda seyil etilgende ol 2 metrge shekem uzınlıqtaǵı jetekte, jámiyetlik orinlarda 1 metrge shekemgi uzınlıqtaǵı jetekte boliwi kerek.
7. Qarawsız hám gezende iyt hám pishiqlar payda bolganda kimge múrájáát etiw kerek? Kóshelerde qarawsız hám qańǵıǵan iyt hám pıshıqlar payda bolǵanda dárhal qala hám rayon abadanlastırıw basqarmaları janındaǵı qarawsız qalǵan haywanlardı tutıw bólimine xabar beriw zárúr.

8. Kóp qabatlı úylerde neshe iyt hám pishiq saqlaw múmkin? Kóp qabatlı turaq jaydıń bólek kvartirasında qońsılardıń hám jeke menshik turaq jay múlk iyeleri shirketiniń kelisimi menen birewden artıq bolmaǵan iytti hám bir pıshıqtı saqlawǵa ruqsat berilgen bolsa, bólek turaq jaylarda iytlerdi tek baylawlı halda saqlawǵa ruqsat etiledi.