GOLShTIN PORODALÍ SÍYÍRLARÍ HAQQÍNDA MAǴLÍWMAT:

 Bul parodalı qaramal  sút beriwshı qaramallar arasında birinshi orında turadı. Golshtin parodasınıń watanı Gollandiya esaplanadı. Keyinirek ol Amerika materiginde ózine tán ayrıqsha qásiyetlerge  iye boldı. Golland qaramalın rawajlandırıw boyınsha birinshi pioner Belmont shaxrilik (AQSh) U. U. Cheneri esaplanadı. Bul qaramaldıń násilin  rawajlandırıw tariyxı 1852- jıldan baslanadı. Al sol jılda Sheneri golshtin qaramalın golland kapitanınan satıp aladı. Kóp sút beriwi  hám de maslasıwshılıǵı nátiyjesinde keyinirek bul násilli qaramal Arqa Amerikada keń tarqaldı. 1871- jıldıń  15 –mart sánesinde Arqa Amerikada Golshtin-friz násilli  qaramal selekcionerleri jámiyeti shólkemlestirildi, bul jámiyettiń prezidenti etip Uinsrop Cheneri tayınlandı. 1872- jılda qara -ala golshtin Amerikanıń 12 Shtatında baǵılıp, tap sol jılda golshtin-friz túriniń birinshi násili kitabı basıp shıǵarıldı. 1983- jıldan bul qara -ala násili  Amerika hám Kanadada Golshtin (ang. Holstein) atı menen atala basladı.

 Násilli maldıń  kórinisi:

 Qaramal qara -ala kóriniske iye bolıp, onıń gewdesi keń , tegis hám uzın denesi menen ajralıp turadı. Jelini iri, ádette dumalaq hám úlken kóriniste boladı. Jelin sorǵıshları cilindrǵa uqsaǵan, ortasha kólemde boladı. Erjetken ortasha qaramal 670-700 kg salmaqqa iye. Ortasha esapta bul násilli qaramallardıń: denesiniń ortasha biyikligi 143-145 sm, tós uzınlıǵı 80-86 sm, keńligi 55-65 sm, arqa tárepi keńligi 63 sm boladı.

Sút ónimdarlıǵı:

 Golshtin parodasınıń  sút hám gósh ónimdarlıǵı  hár túrlı mámleketlerde túrli klimat sharayatına  hám baǵıw racionınan kelip shıǵıp hár túrlı kóriniste bolıwı múmkin. Ózbekstan fermerlerinde bul túrdiń  ortasha sút ónimdarlıǵı 6500-7500 kg, sút maylılıǵı 3, 6 -3, 9% ti, sútte belok muǵdarı ortasha 3% átirapında. Gósh sapası jaqsı dárejede. Gósh shıǵıw dárejesi 50-55%. Qızıqlı fakt golshtin sıyırı ortasha maylılıq hám sút ónimdarlıǵı  boyınsha turaqlı túrde birinshi orındı iyelep kelatır. 1983-jılda 305 kún ishinde (bir laktaciya dáwiri)  rekord 25, 248 tn sút alınıwı menen ornatılǵan.

 Tarqalıw zonaları:

 Golshtin parodası Evropada, Avstraliyada, Arqa hám Qubla Amerikanıń iri mámleketlerinde, jaqın shet el mámleketlerinde (Rossiya, Belorus, Ukraina hám Kazaxstan ). Ózbekstanda bul násilli  qaramaldı Respublikanıń ıqlımı jumsaqlaw wálayatlarında baǵıw usınıs etiledi.