Búgin Qaraózek rayonı hákimiyatı májilisler zalında haywanlar arasında ushırasatuǵın juqpalı keselliklerdiń aldın alıw boyınsha seminar bolıp ótti.

Seminarǵa rayon hákiminiń orınbasarları, APJ hám MPJ  baslıqları, rayonlıq veterinariya hám sharwashılıqtı rawajlandırıw bólimi xızmetkerleri qatnastı.

Seminarda, Qaraqalpaqstan Respublikası Veterinariya hám sharwashılıqtı rawajlandırıw komitetinen, Sanitariya-epidemiologiya tınıshlıq hám jámiyet salamatlıq basqarmasınan epidemiolog shıpakerler menen Ayrıqsha jaǵdaylar basqarmasınan wákiller qatnasıp, “Ot jara”, “Qutırıw” “Krım-Kongo gemorrogik ısıtpa” kesselikleriniń aldın alıw hám onıń kelip shıǵıw sebepleri boyınsha túsinikler berip ótti.

Bul kesellikler kóbinese shóp penen azıqlanatuǵın haywanlarda, yaǵnıy qaramal, qoy-eshki, jılqı, eshek, túyelerde kóbirek ushırasadı.

Sonıń ushın da, Veterinariya xızmetkerleriniń ruqsatısız awırǵan maldı soyıw, onıń góshin jew, júnin, terisin satıw qadaǵan etiledi. Veterinar maldı kózden ótkerip, laboratoriyalıq analizlerin alıwı hám tekseriw ótkergennen keyin soyıwǵa ruqsat etiletuǵınlıǵın atap ótti.

Seminar soraw-juwaplar menen dawam etti.

Kanalǵa aǵza bolıń :

Qaraqalpaqstan Respublikası  veterinariya hám sharwashılıqtı  rawajlandırıw  komiteti  Málimleme xızmeti