Sıyırlardaǵı qısırlıq : tuqımlandırıw hám tuwıw qaǵıydalarınıń buzılıwı

 Sıyırlar nadurıs tuqımlandırılıwı sebep, kóbinese sıyır hám qasharlar organizminde reproduktivlik iskerligi normada bolsa da, tuqımlandırıw nátiyje bermey qalıw jaǵdaylarıda ushrasıp turadı. Bunıń sebepleri tómendegiler bolıp tabıladı:

• padada qaramal  sanın kóbeytiwde joba hám esapqa alıwdıń joq ekenligi;
• násilli buǵalardıń jasalma tuqımlandırıw stanciyalarındaǵı tıǵız jumıs waqtı hám sıyırlardı tábiyiy qashırıwdaǵı  jınıslıq talıǵıw ;
• jasalma tuqımlandırıwda  pást kórsetkishli buǵalardan paydalanıw ;
• jaqın qanalas bolǵan janıwárlarndı  bir-birinen qashırıw ;
• násilli buǵadan spermanı alıwdaǵı texnologiyanıń aynıwı,  sperma alıwda,  suyultırılıwda hám de onı saqlawda sanitariya -gigiena qaǵıydalarına ámel etpeslik;
• janıwárdaǵı  beyimlik  hám tuqımlandırıwdıń  waqıtında anıqlanbawı;
• sıyır hám qasharlardı jasalma  tuqılandırıw qaǵıydaları (janiwárlarǵa  qopallıq qılıw,  tuqımlandırıw procesinde inventarlarınan paydalanıw, jasalma hám tábiyiy tuqımlandırıwdı  aralastırıp jiberiw hám taǵı basqa ) hám sanitariya -gigiena talaplarınıń buzılıwı.

 Jasalma tuqımlandırıw boyınsha texnik xızmetkerlerdiń ilmiy tájriybesi de úlken áhmiyetke iye.

 Sıyırlardıń keleshekte kóbeyiw qábileti, eń dáslep olardı tuwıwǵa tayarlaw hám tuwıw procesiniń   tuwrı ótkeriliwine baylanıslı. Tuwıw procesin múmkinshiligi barınsha jaqsı ótkeriliwin támiyinley ushın, tuwıwdan keyingi dáwirde tezirek tikleniw hám eki ay dáwirinde qayta tuqımlandırıw jaqsı  ótkeriliwi bolıp esaplanadı. Hámileniń waqtınan aldınlaw yamasa keshiktirip alınıwı,  aseptika hám antiseptika qaǵıydalarınıń  buzılıwı,  joldas ajralmay qalıwı, kóbinese jınıslıq aǵzalar involyuciyasınıń  aynıwına alıp keledi.

 Tuwıw – bul fiziologikalıq  process, sol sebepli,  eger ol normadan keshigip atırǵan bolsa, janiwárǵa járdem beriwdiń qájeti joq. Tuwıw procesin gúzetip turıw kerek hám tek normada keshegip atırǵan tuwıw procesi patologiyalıq   jaǵdayǵa ótip ketken jaǵdada  waqıtında járdem beriw kerek boladı.

 Tuwıw procesine tek ǵana anıq zárúrlik bolǵanda ǵana aralasıw kerek. Sol sebepli de, sıyırlardaǵı  tuwǵannan  keying  dáwirdiń normada keshigiwiniń tiykarǵı qaǵıydası  sspatında  tuwıwǵa nuqsansız  tayarlaw, tuwıw procesi qaǵıydalarına qattı ámel qılıw, waqıtında hám tuwrı akusherlik járdemin kórsetiw, tuwıwdan keyingi eki hápte dawamında sol dáwirdiń keshiwin hár kúni baqlaw sıyaqlılardı kórsetip ótiw zárúr. Bul dáwirde qıyınshılıqlar kelip shıqqan halda bolsa, waqıtında tiyisli medicinalıq járdemdi kórsetip,   jániwardı  kútip qarap hám azıqlandırıw sharayatların jaqsılaw kerek boladı.